Koe-moonegã kibaya

◼ Tõnd sẽn be yaoolem dayã pʋgẽ wã, sabab tõe n zĩnda zĩig fãa la wakat ning fãa. Sabab sasa, saam-biisã sẽn be zĩ-kãngã wã nong n tũnugda ne rẽ n taasd nebã Rĩungã koe-noog n kengd b raoodo. Yʋʋmd 2009 bõn-bɩʋʋng kiuugã pipi daarã, sa-kãseng n ni Burkĩna Faso n sãam rot wʋsg Wagdgo.

◼ Yaa ne sũ-noog la d rat n togs-y tɩ saam-biig baa a ye pa maan kaalem ye. Wagdg tigims kẽer moona neb nins rot sẽn sãam tɩ b tɩ be zĩis goosneemã sẽn yãk n kõ-bã pʋsẽ wã.

◼ Nebã sẽn tall manesem ning ne Rĩungã koe-noogã sɩd kõta sũ-noogo! Baa kambã meng ra wat n naagda b roagdbã n kelgdẽ, la b sũur yɩɩ noog b sẽn bãng tɩ yaa Wẽnnaam Rĩungã bal la ninsaalbã zu-loeesã fãa tɩɩmã.

◼ Tiging a ye koe-moondb wilgame tɩ mor a ye yeela woto: “Yaa sɩd tɩ nebã wat n kõta tõnd ligdi, futu, la teed a taaba, la sɩd-sɩda, pa rẽ la tõnd sɩd rat n yɩɩd sasa kãngã ye. Yaa yãmb sẽn wa n maand bũmb ningã la tõnd sɩd rat n yɩɩda. Tõnd rata raood kengre. Mam da maanda yɩɩr wʋsg ne yɛlã sẽn yaa to-to wã, la yãmb sẽn yeel bũmb ningã kenga mam daood wʋsgo, la boog m yɩɩrã. Ket-y n wat-y n sõngd tõndo.”