D sẽn tõe n kãab nebã periodik rãmbã to-to

Gũusg Gasgã Sig-noyã, 1

Karm-y Matɩe 7:12, la y sok woto: “Nebã fãa sã n da tũudẽ a Zezi gom-kãensã, yãmb tagsdame tɩ dũniyã ra na n yɩɩ wãn-wãna? [Bas-y t’a leoke.] Seb-kãngã wilgda yɛl kẽer a Zezi sẽn zãms nebã, tɩ wilgd yɩ kiris-ned sẽn sɩd rat n yɛɛlga.” Wilg-y sõsg ning sẽn sɩngd seb-neng 16.

Réveillez-vous ! Sig-noyã

“Yãmb tẽedame tɩ ka la bilfu ligdã zu-loees na n boogame bɩ? [Bas-y t’a leoke.] Neb wʋsg pa mi Biiblã sẽn tõe n sõng tõnd ligd zu-loees sasa to-to ye. [Karm-y vɛrse sẽn be sõsgã pʋgẽ.] Seb-kãngã wilgda Biiblã sagls sẽn tõe n sõng tõnd ligd zu-loees sasa to-to.” Wilg-y sõsg ning sẽn sɩngd seb-neng 18 wã.

Gũusg Gasgã Sigri, 1

“Tũudum wʋsg taoor dãmb ye pa wilgd nebã bũmb nins Wẽnnaam sẽn gɩdgã vẽeneg wa pĩndã ye. Yãmb tagsdame tɩ rẽ maaneg ket n tara yõod bɩ? [Bas-y t’a leoke. Rẽ poor bɩ y karem Rom dãmb 5:12.] Seb-kãngã wilgda Biiblã sẽn yet bũmb ning yel-wẽnã wɛɛngẽ.”

Réveillez-vous ! Sigri

“Yaa wala vɩɩmã lebgda toog daar fãa n paasdẽ. Pa sɩda? [Bas-y t’a leoke.] Neb wʋsg sak n deegame tɩ yaa Biiblã sẽn yeelã n pidsdi. [Karm-y 2 Tɩmote 3:1.] Seb-kãngã wilgda vɩɩmã sẽn lebg toogã sẽn namsd tõnd to-to, la a kõt sagls sẽn tõe n sõng-d tɩ d mao ne yel-kãngã.”