D sẽn tõe n kãab nebã periodik rãmbã to-to

Gũusg Gasgã Sigri, 1

Karm-y 1 Zã 5:3 la y yeel woto: “Neb wʋsg modgdame n tũud Wẽnnaam noyã, la neb kẽer tagsdame tɩ yell sã n wa pake, b tõe n zuume, n maan zãmbo, bɩ n maan yɛl a taab sẽn pa segde. Yãmb tagsg yaa bõe? [Bas-y t’a leoke.] Seb-kãngã kõta sagls sẽn tõe n sõng tõnd tɩ d yɩ pʋ-peelem dãmb wakat fãa.” Wilg-y sõsg ning sẽn sɩngd seb-neng 11 wã.

Réveillez-vous ! Sigri

“Naoor wʋsgo, tũudum taoor dãmb reegda ligdi, n yaool n kõ-f soobo, bɩ n maan f kãadem bɩ f ned kũum meese. Yãmb tagsdame tɩ woto zemsame bɩ? [Bas-y t’a leoke.] Ges-y saglg ning a Zezi sẽn kõ a karen-biisã. [Karm-y Matɩe 10:7, 8b.] Seb-kãngã wilgda Biiblã sẽn yet bũmb ning rẽ wɛɛngẽ.” Wilg-y sõsg ning sẽn sɩngd seb-neng 22 wã.

Gũusg Gasgã Sẽoogo, 1

“Yãmb miime tɩ Wẽnnaam tara yʋ-peel bɩ? [Bas-y t’a leoke.] Biiblã wilgdame tɩ Wẽnnaam tara yʋ-peelle, la Biibl kẽer pʋsẽ b ledga Wẽnnaam yʋ-peellã ne Zu-soaba. [Karm-y Ezai 42:8a.] Seb-kãngã wilgda bũmb ning sẽn kɩt tɩ b yãk Wẽnnaam yʋʋrã Biibl kẽer pʋsẽ wã, la bãng Wẽnnaam yʋʋrã sẽn dat n yɛɛlga.”

Réveillez-vous ! Sẽoogo

“Teedã ligd sẽn tar paasgã kɩtame tɩ neb wʋsg maand yɩɩre. Neb nins b sẽn yiis tʋʋmã tara sũ-sãamse, tɩ neb nins sẽn tʋmdã me yɛɛsdẽ tɩ b tʋʋm na n wa sãame. [Karm-y Matɩe 6:34.] Yãmb tagsdame tɩ Biiblã sẽn yet bũmb ning ka wã tõe n sõnga nebã tɩ b ra maan yɩɩr bɩ? [Bas-y t’a leoke.] Seb-kãngã tara sagls sẽn tõe n sõng tõnd tɩ d bãng n zã d ligdã sõma, la boog d yɩɩrã.”