D sẽn tõe n kãab nebã periodik rãmbã to-to

Gũusg Gasgã Sigri, 1

“Neb wʋsg tagsdame tɩ tũudum toɛy-toɛyã fãa gomda Wẽnnaam yelle, la tɩ f sẽn tũud a soab fãa yaa sõma. Yãmb tagsg yaa bõe? [Bas-y t’a leoke.] Kelg-y Biiblã sẽn yet bũmb ning rẽ wɛɛngẽ. [Karm-y Zozue 24:15.] Seb-kãngã wilgda tõnd bʋʋm nins sẽn kɩt tɩ d segd n vaees n ges d tũudmã sã n yaa sõma.” Wilg-y sõsg ning sẽn be seb-neng 12.

Réveillez-vous ! Sigri

“Tõnd fãa mii neb sẽn ki. La yãmb maanda rabeem n tagsdẽ tɩ nin-kãens sũur tõe n sãama ne ned bɩ n maan-a wẽng bɩ? [Bas-y t’a leoke. Dẽ poor bɩ y karem Koɛɛg Soab 9:5, 6.] Seb-kãngã tõe n yɩ-y-la noogo.” Wilg-y sõsg ning sẽn be seb-neng 22 wã.

Gũusg Gasgã Sẽoogo, 1

“Neb wʋsg karemda Biiblã, la b pa wʋmd a võor ye. Yaa woto me ne yãmb bɩ? [Bas-y t’a leoke. Rẽ poor bɩ y karem Yɩɩl Sõamyã 119:130.] Verse kãngã wilgdame tɩ Wẽnnaam ratame tɩ d wʋm Biiblã võore, la d rɩ a yõodã. Seb-kãngã wilgda bũmb a tãab sẽn tõe n sõng-d tɩ d wʋm a võore.”

Réveillez-vous ! Sẽoogo

“Rũndã-rũndã, neb wʋsg yam le ka be ne b mens ye. Yãmb tagsdame tɩ Wẽnnaam tagsda nin-kãensã yell bɩ? [Bas-y t’a leoke. Rẽ poor bɩ y karem Yɩɩl Sõamyã 34:19.] Yaa sɩd tɩ neb nins yam sẽn le ka b mensã tõe n baoa tɩbsg logtor yiri. La seb-kãngã wilgda b sẽn tõe n paam Wẽnnaam sõngr to-to. A leb n wilgda d sẽn tõe n yeel bũmb nins n bels nin-kãensã.”