D sẽn tõe n kãab nebã periodik rãmbã to-to

Gũusg Gasgã Sẽoogo, 1

“Yãmb tagsdame tɩ ned tõe n paama bãan dũni kãngã sẽn pid ne yɛlã pʋgẽ wã bɩ? [Bas-y t’a leoke.] Kelg-y Biiblã sẽn yet bũmb ning Filip rãmb 4:6, 7 pʋgẽ wã. [Karm-y verse kãensã.] Seb-kãngã wilgda d sẽn tõe n paam bãan ning Wẽnnaam sẽn kõtã to-to.” Wilg-y sõsg ning sẽn be seb-neng 10.

Réveillez-vous ! Sẽoogo

“Neb wʋsg tara mi-beoog ne b roagdbã, b sẽn zãms-b bũmb ninsã yĩnga. Yãmb tagsdame tɩ ned sã n lebs n vaees a roagdbã sẽn zãms-a bũmb nins tũudmã wɛɛngẽ a yãadmẽ wã, a paoogd-b lame bɩ? [Bas-y t’a leoke. Rẽ poor bɩ y karem 1 Zã 4:1.] Seb-kãngã wilgda sã n yaa wẽng tɩ ned toeem tũudum.” Wilg-y sõsg ning sẽn be seb-neng 28 wã.

Gũusg Gasgã Sa-sika, 1

“Neb kẽer yetame tɩ tũudum toɛy-toɛyã fãa sõngda nebã tɩ b bãngd Wẽnnaam. La yãmb tagsdame tɩ b fãa yaa sõma bɩ? [Bas-y t’a leoke. Rẽ poor bɩ y karem Matɩe 7:13, 14.] Seb-kãngã wilgda yɛl a tãab sẽn yit Biiblã pʋgẽ sẽn tõe n sõng ned t’a bãng tũudum sẽn yaa sõma.”

Réveillez-vous ! Sa-sika

“Tõe tɩ b mi n baka yãmb n pa nongẽ, y sẽn yaa buud a to ned yĩnga. Sã n yaa ne yãmba, Wẽnnaam tagsg yaa bõe kis f to wã wɛɛngẽ? [Bas-y t’a leoke. Rẽ poor bɩ y karem Tʋʋm 10:34, 35.] Biiblã tõe n sõng-d lame tɩ d tõog toogo, b sã n wa kis-d d sẽn yaa buud a to ned yĩnga. A le sõngda tõnd tɩ d ra kisg d taabã ye. Seb-kãngã gomda rẽ yelle.”