D sẽn tõe n kãab nebã periodik rãmbã to-to

Gũusg Gasgã Bõn-bɩʋʋngo, 1

“Neb wʋsg tagsdame t’a Ãdem ne a Hawa kibarã sẽn be Sɩngr sebrã pʋgẽ wã pa sɩd ye. Kẽer me tẽedame t’a Ãdem ne a Hawa sɩd zĩndame. Yãmb tagsg yaa bõe? [Bas-y t’a leoke.] Kelg-y a Zezi sẽn gom b yell to-to. [Karm-y Mark 10:6-9.] Seb-kãngã kõta kaset sẽn wilgd t’a Ãdem ne a Hawa sɩd zĩndame, la a wilgd bũmb nins sẽn kɩt tɩ d segd n tẽ rẽ wã.” Wilg-y sõsg ning sẽn be seb-neng 12 wã.

Réveillez-vous ! Bõn-bɩʋʋngo

Karm-y 1 Zã 4:8, la y yeel woto: “Neb kẽer tẽedame tɩ Wẽnnaam ningda nin-wẽnsã bugum pʋgẽ wakat sẽn kõn sa yĩnga, tɩ sãnda tẽed tɩ rẽ pa zems ne vɛrse wã d sẽn karmã ye. La yãmb tagsg yaa bõe? [Bas-y t’a leoke.] Seb-kãngã wilgda Biiblã sẽn yet bũmb ning rẽ wɛɛngẽ.” Wilg-y sõsg ning sẽn be seb-neng 10.

Gũusg Gasgã Zĩ-likri, 1

“D fãa segda zu-loeese. [Togs-y zu-loees kẽer yãmb moonegã zĩigẽ neb sẽn segde.] Yãmb tagsdame tɩ zu-loeesã sasa Wẽnnaam sõngda tõnd bɩ? [Bas-y t’a leoke.] A Zezi wilga bũmb a ye Wẽnnaam sẽn tũnugd ne n sõngd tõndo. [Karm-y Luk 11:13.] Seb-kãngã wilgda vʋʋsem sõngã sẽn yaa bũmb ningã, la a sẽn tõe n naf-d to-to.”

Réveillez-vous ! Zĩ-likri

“Zak fãa tara zu-loeese. Yɛ la yãmb tagsd tɩ zagsã rãmb tõe n paama sagls sẽn na n sõng-ba? [Bas-y t’a leoke. Rẽ poor bɩ y karem Yɩɩl Sõamyã 32:8.] Réveillez-vous ! kãnga wilgda Biiblã noy takɩ zak neb sẽn tõe n tũ tɩ sõng-ba.”