D sẽn tõe n kãab nebã periodik rãmbã to-to

Gũusg Gasgã Bõn-bɩʋʋngo 1

“Wakat ninga, nebã sẽn maand yel-yoodã yaa b tũudmã sẽn zãms-b bũmb ninsã yĩnga. Yãmb tagsdame tɩ yaa bõe n kɩt tɩ b tudg woto? [Bas-y t’a leoke.] Ges-y Biiblã sẽn kõt saglg ningã. [Karm-y 1 Zã 4:1.] Seb-kãngã wilgda bũmb ning sẽn kɩt tɩ d segd n mak tõnd sẽn tẽed bũmb ninsã ne Wẽnnaam Gomdã sẽn yetã n gesã.” Wilg-y sõsg ning sẽn sɩngd seb-neng a 9 wã.

Réveillez-vous ! Bõn-bɩʋʋngo

Karm-y Matɩe 5:39, la y yeel woto: “Yãmb tagsdame t’a Zezi ra rat n yeelame tɩ nebã sẽn maand tõnd bũmb ning fãa bɩ d sĩnd bɩ? [Bas-y t’a leoke.] Seb-kãngã wilgda Biiblã sẽn yet bũmb ninga, kogl f mengã la bao polɩɩs rãmb sõngrã wɛɛngẽ.” Wilg-y sõsg ning sẽn sɩngd seb-neng 10.

Gũusg Gasgã Zĩ-likri 1

“Dũniyã gill zugu, tũudmã buud fãa neb pʋʋsdame. Yãmb tagsdame tɩ Wẽnnaam kelgda b pʋʋsgã, la t’a reegdame bɩ? [Bas-y t’a leoke.] Biiblã yeta tõnd tɩ d pʋʋsd Wẽnnaam. [Karm-y Filip rãmb 4:6, 7.] Seb-kãngã tika Biiblã zug n leokd sogsg a yopoe nebã sẽn nong n sokd pʋʋsgã wɛɛngẽ.”

Réveillez-vous ! Zĩ-likri

“D mi n wʋmda nebã sẽn zãmbd taab kãadmã pʋgẽ, nebã ne taab sʋka, la politikã taoor dãmb sẽn zãmbd neba. Yãmb me tagsdame tɩ pʋ-peelem soab yãab sɩd lebga toog bɩ? [Bas-y t’a leoke.] Neb wʋsg sak n deegame tɩ yaa Biiblã gom-kãensã n pidsdi. [Karm-y 2 Tɩmote 3:1-5.] Seb-kãngã wilgda zĩig ning d sẽn tõe n ket n yãt pʋ-peelem dãmba.”