Tʋʋl-nif rasem 30 semennã
TƲƲL-NIF RASEM 30 SEMENNÃ
Yɩɩll 125 la pʋʋsgo
□ Tigingã Biibl zãmsgo:
my sak 81 (Min. 25)
□ Wẽnnaam tʋʋmdã lekolle:
Biiblã karengo: Zeremi 32–34 (Min. 10)
Wẽnnaam tʋʋmdã lekoll lebg-n-gese (Min. 20)
□ Tʋʋmdã tigsga:
Min. 10: Koeese. Tik saglg ning sẽn be seb-neng a 4, n mak n wilg d sẽn tõe n sɩng Biibl zãmsg ne ned sig-noy kiuugã pipi sibrã to-to. Tẽeg koe-moondbã tɩ b kɩs b rapoor dãmbã.
Min. 25: Tall-y manesem sẽn zemse, yaoodã b sẽn kɩt n yaool n paam pagã wɛɛngẽ. Kãsem-soab n segd n wɛgs-a. Tika yʋʋmd 1998 bõn-bɩʋʋng kiuug rasem 15 Gũusg Gasgã neng 24-27 ne farendã. Rɩk minit 10 n kʋms bũmb nins sẽn be be wã, la minit 10 tɩ b maan mak-n-wilg a yiibu. Pipi soabã (min a 5): Saam-biig a ye bi-pugl n dat n kẽ kãadem, t’a tɩ yã kãsem-soaba, n togsd-a t’a ratame tɩ buudã neb ges yaoodã reegr yelle. Kãsem-soabã na n dɩka Gũusg Gasgã, tɩ b ges gom-zu-bil ning sẽn sokd tɩ: “Ãnd n segd n ges yaoodã yẽsgã yellã?” B na n gesa gom-zu-bil ning sẽn yet me tɩ: “Neb sẽn yɩ maan-n-zems-rãmba,” tɩ rẽ poor bɩ a tẽeg saam-biigã t’a pa tog n yĩm t’a sã n bas yellã ne buudã, tõe n yɩɩ bẽdga. Bi-puglã baaba na n yeelame t’a sũur yaa noogo, la t’a pʋʋsda barka. Yɩɩb-n-soabã (min a 5): Bi-puglã baaba na n tɩ yãa a yasb sẽn pa a Zeova Kaset soaba, n wilg-a vẽeneg t’a pa na n deeg yaood tɩ zʋʋg sẽn yaa tɩlae wã ye. (A na n gesa tẽngã neb minim n togs a sẽn tõe n sakã, wall a togs bũmb bilf a sẽn na n deege. A tõeeme meng n yeel t’a pʋd n pa na n deeg bũmb ye). A yasbã na n zab-a lame, n yeel-a tɩ pĩndã pa woto la a ra maand ye. Saam-biigã na n leok-a lame t’a pa rat tɩ wa yɩ wa a Labã nengẽ wã ye. (Sɩng. 31:15) Baa ne yasbã sũur sẽn pa noogã, a na n sakame, la a wilg tɩ yaa saam-biigã sẽn tar manesem sõng tɩ buudã waoogd-a wã yĩnga. Baasg-goamã: (min a 5) Wilg tɩ yaoodã wɛɛngẽ, d sã n yaa maan-n-zems-rãmba, womda bi-sõma. Zĩis nins laloa wã sẽn gɩdg yaood kãensã buudã, bɩ y toeeme, n sõs yɛl sẽn pak tigingã zugu.
Yɩɩll 126 la pʋʋsgo