Y sẽn tõe n yeele:

Y sẽn tõe n sɩng Biibl zãmsg ne nebã sẽoog kiuugã pipi sibrã to-to.

“Tõnd sẽn sõs ne neb ninsã fãa la bal yeelame tɩ b rata yõ-wok la sũ-noogo. La d ra nong n bãnga yãmb me tagsgo. Rẽ yĩnga logtoeemdã ne siãnsã na n wa tõogame tɩ ned ra le ki bɩ? [Bas-y t’a leoke.] Kelg-y b sẽn yeel ka.” Wilg-y sẽoog kiuug pipi daar Gũusg Gasgã yaoolem seb-nengã n karem sẽn be pipi gom-zu-bilã tẽngrã, la vɛrse nins b sẽn sõdg be wã a yembre, la y sõs y sẽn karmã zug bilfu. Rẽ poor bɩ y kãab-a sebrã, la y rɩk sɛk n lebg n tɩ leok sokr ning sẽn pʋgdã.

Vẽnegre: Yaa sẽoog kiuugã rasem a 6 koe-moonegã yiib tigsgã sasa la b segd n wilg b sẽn tõe n kãab sebrã to-to.

Gũusg Gasgã, sẽoogo, 1

“Neb wʋsg tõnd sẽn sõs ne yeelame tɩ b tara b tũudum. La sãnda leokame tɩ b pa le tẽed sor baa a yen ye. La yãmb yẽ? [Bas-y t’a leoke.] A Zezi yeela bũmb sẽn tõe n sõng-d tɩ d bãng tũudum hakɩka. [Karm-y Luk 6:44a.] Seb-kãngã wilgda tũudmã sẽn wa ne bi-wẽns ninsã kẽere, la a leokd sok-kãngã: Tũudum ãdem-biisã sẽn tõe n teeg beeme bɩ?”

Réveillez-vous ! Sẽoogo

“Tõnd kaagda nebã n gomd bũmb sẽn pak-d fãa yelle. Yaa tʋʋm-kɛgã. Neb kẽer makda zu-loe-kãngã welgre, n mi n yi n wilg b sũ-pa-noaanga. Yãmb tagsdame tɩ sẽn maand-b a woto wã tõogd n wata ne manegr bɩ? [Bas-y t’a leoke.] Biiblã wilga bũmb ning sẽn na n wa ne toeeng hakɩk tẽngã zugã. [Karm-y Matɩe 6:9, 10.] Seb-kãngã leokda sokr ning sẽn pʋgdã: zu-loe-kãngã tɩɩm yaa nebã sẽn na n yit n wilgd b sũ-pa-noaang bɩ?”

Koe-noog sẽn yit Wẽnnaam nengẽ!

“Tõnd bee yãmb sakẽ wã n taasd nebã koɛɛg sẽn yit Biiblã pʋgẽ n kengd raoodo. D sẽn zoe n sõs ne neb ninsã wʋsg sokda b meng Wẽnnaam sẽn bas tɩ ãdem-biisã namsdẽ wã võore. Yãmb tagsdame tɩ yaa Wẽnnaam daab bɩ?” [Bas-y t’a leoke.] Lak-y sak a 5 wã zĩigẽ n karem pipi sul a yiibã la vɛrse-rãmb nins b sẽn yet tɩ d karmã. Rẽ poor bɩ y kãab-a sebrã, la y rɩk sɛk n lebg n tɩ leok sokr ning sẽn pʋgdã.