Y sẽn tõe n yeele:

Y sẽn tõe n sɩng Biibl zãmsg ne nebã sẽoog kiuugã pipi sibrã to-to

“Pʋʋsg ning b sẽn boond tɩ tõnd Ba sẽn be arzãnã pʋgẽ, b yetame ‘tɩ yãmb soolem wa, tɩ yãmb daab maan dũniyã zug wa sẽn maand arzãna.’ Neb wʋsg mii pʋʋs-kãngã. La rẽ yĩnga yãmb mii Wẽnnaam soolmã bɩ a Rĩungã sẽn yaa bũmb ning bɩ? [Bas-y t’a leoke.] Daniɛll 2:44 sõngda tõnd tɩ d bãng a sẽn yaa bũmb ninga.” Karm-y vɛrse wã. Rẽ poor bɩ y kõ-a sẽoog kiuug pipi daar Gũusg Gasgã, la y lak seb-neng 16 zĩigẽ, n naag taab n karem sẽn be pipi gom-zu-bilã tẽngrã, la y sõs y sẽn karmã zug bilfu. Rẽ poor bɩ y bas sebrã ne-a, la y rɩk sɛk n lebg n tɩ leok sokr ning sẽn pʋgdã.

Gũusg Gasgã sẽoogo, 1

“Vɩɩmã sẽn pid ne zu-loees la a yaa koɛɛgã kɩtame tɩ neb wʋsg sokd b mens a sã n tara yõodo. Yãmb me zoe n soka y meng woto bɩ? [Bas-y t’a leoke.] Biiblã wilgdame tɩ vɩɩmã pa na n kell n yɩ woto wakat fãa ye. [Karm-y Wilgr 21:4.] Seb-kãngã wilgda Wẽnnaam sẽn dat tɩ tẽngã yɩ to-to, la a wilgd bũmb ning tõnd sẽn tõe n maan tɩ d vɩɩmã tall yõod baa masã menga.”

Réveillez-vous ! Sẽoogo

Togs-y kiba-yook sẽn zĩnd tɩ nan pa kaoose. Rẽ poor bɩ y yeel woto: “Sã n yaa ne yãmba, bõe yĩng tɩ Wẽnnaam bas tɩ woto buud maandẽ? [Bas-y t’a leoke.] Biiblã wilgdame tɩ nebã sẽn namsdã pa noom Wẽnnaam ye. [Karm-y Yikr 3:7.] A leb n wilgda bũmb ning sẽn kɩt tɩ Wẽnnaam bas tɩ namsgã beẽ wã, la a wilgdẽ tɩ ka la bilfu Wẽnnaam na n kɩtame tɩ namsgã sa. Seb-kãngã gomda rẽ yelle.”