Y sẽn tõe n yeele:

Y sẽn tõe n sɩng Biibl zãmsg ne nebã sig-noy kiuugã pipi sibrã to-to

“Yãmb mii bũmb ning sẽn kɩt tɩ Wẽnnaam bas tɩ wẽnemã la namsgã beẽ wã bɩ? [Bas-y t’a leoke.] Bũmb la b yeel seb-kãngã pʋgẽ tɩ tõe n sõng tõnd tɩ d bãnge.” Naag-y taab n karem bũmb ning sẽn be sig-noy kiuugã pipi daar Gũusg Gasgã seb-neng 16 pipi gom-zu-bilã tẽngrã, la y karem vɛrse a ye b sẽn sõdg be. Kãab-y a soabã sebrã, la y rɩk sɛk n lebg n tɩ leok sokr ning b sẽn sok gom-zu-bil ning sẽn pʋgdã pʋgẽ wã.

Gũusg Gasgã, Sig-noyã, 1

Karm-y Yɩɩl Sõamyã 37:10, 11, la y yeel woto: “Yãmb tagsdame tɩ gom-kãensã na n pidsa ka la bilf bɩ? [Bas-y t’a leoke.] Seb-kãngã pʋgẽ, b wilgda yɛl a yoob b sẽn deng n togs Biiblã pʋgẽ tɩ pidsd rũndã-rũndã. Yel-kãensã sẽn pidsdã wilgdame tɩ kãabg ning d sẽn karmã pidsg pa na n le kaoos ye.”

Réveillez-vous ! Sig-noyã

“Neb kẽer yetame tɩ ninsaal yaab yɩɩ rũnga. Yãmb me tagsda woto bɩ? [Bas-y t’a leoke. Rẽ poor bɩ y karem Yɩɩl Sõamyã 139:14.] No-rɛɛs ning sẽn gʋls gom-kãensã wã sẽn wa n yet woto wã t’a pa mi ninsaal halhaalã wa rũndã-rũndã bãngdbã ye. Seb-kãngã wilgda bãngdbã sẽn vaees n yã bũmb nins tɩ wilgd tɩ ninsaal yaab pa yɩ rũng ye.”