Bõe la yãmb na n maan kibs toɛy-toɛyã sasa?

Neb wʋsg sã n paam vʋʋsg tũudum toɛy-toɛyã kibs-rãmb yĩng wall kibs a taab yĩnga, b nong n bee yiri. Naoor wʋsgo, koɛɛgã mooneg sasa kãens womda biisi. D sagenda tigimsã fãa tɩ b bẽt ne nebã sẽn mi n paam vʋʋsg a woto wã n sigl koe-moonegã sõma. Wakat kãense, d moonegã zĩisẽ, wʋsg pa nekd pĩnd ye. Rẽ wã, yɩta sõma tɩ y maneg n yãk koe-moonegã yiib tigsgã wakat tɩ zemse. Tʋʋmdã tigsg sasa, y tõe n wilga tigingã neb koe-moonegã yiib tigsgã sẽn lebg wakat ningã, la y sagl sẽn tõe-bã fãa tɩ b sõng n moone. Yaa sɩd tɩ kibs toɛy-toɛyã sasa y tõe n paam n vʋʋsame, la y tʋmd y tʋʋm a taaba. La wall tɩ y rɩk y sẽkã fãa n vʋʋsã, y tõe n yãka wakat koe-moonegã yĩnga. Y sã n maan woto, y na n paama sũ-noog ning Wẽnnaam tʋʋmdã sẽn kõtã.—Mat. 11:29, 30.