D na n sɩnga tẽegrã seb-vãoog pʋɩɩb tʋʋlg kiuug rasem 22 wã

Tʋʋlg kiuugã rasem 22 sibrã tɛka, d na n sɩnga seb-vãoog pʋɩɩbo, n bool nebã tɩ b wa a Zezi kũumã tẽegre. B sagenda koe-moondbã fãa tɩ b wɩsg b mens n pʋɩ seb-vãoogã. Wɩkɛn dãmbã, d tõe n naagda seb-vãadã ne periodik-rãmbã n pʋɩta. Tʋʋl-nif pipi sibrã, d pa na n kãab nebã Biibl zãmsg ye. Yaa seb-vãoogã la d na n wɩsg d mens n pʋɩ. La d sã n seg ned tɩ wõnd a rata ne a sũur fãa n bãng Biiblã, d tõe n sɩnga Biiblã zãmsgo. Tʋʋmdã yel-gɛt na n gesa tigingã neb sã n segd n pʋɩya seb-vãoogã zãma wã sẽn waoogẽ, n tõog tɩ ta neb wʋsgo. Sɩng-y y sẽn dat n bool neb nins tɩ b wa tẽegrã yʋy gʋlsgo. Wala makre, y roagdba, y tʋmd-n-taase, y karen-bi-taase, neb y sẽn kẽnd n kaagdẽ wall neb a taaba. Seb-vãoogã pʋɩɩb sã n sɩng bɩ y modg tɩ b paame. D saagdame tɩ neb wʋsg na n wa naag-d lame n tẽeg a Zeova ne a Zezi sẽn wilg tõnd b nonglem to-to tɩ ka mak-n-taagã.—Zã 3:16; 15:13.