D maan sũ-noogo, d sẽn gũud bũmb ninsã yĩnga

Tẽebã yaa wa baar sẽn vigl kãn-kãe. (Ebre. 6:19) Rẽ sõngdame tɩ d sã n wa segd zu-loeese, bɩ d ra koms raood ye. (1 Tɩm. 1:18, 19) Wala makre, d menga pãn-komsem, d sã n wa lʋɩ bãaga, d sã n wa bõn d paoongo, d ned sã n wa maan kaalem, bɩ yell ning fãa sẽn tõe n kɩt tɩ yaa toog tɩ d kell n sak a Zeova.

Tẽebã sõngda tõnd tɩ keoorã sẽn watã yaa vẽeneg d yamẽ. (2 Kor. 4:16-18; Ebre. 11:13, 26, 27) D saagdame n na n wa tɩ vɩɩmd saasẽ, tɩ yaa tẽngã zugu, d segd n bʋgsda Wẽnnaam sẽn kãab bũmb nins tɩ be a Gomdã pʋgẽ wã wakat fãa, sẽn na yɩl tɩ d tẽebã kell n tall pãnga. Rẽ, zu-loeesã taoore d na n tõog n kell n talla sũ-noogo.—1 Pɩy. 1:6, 7.

NING D MAAN SŨ-NOOGO, D SẼN GŨUD BŨMB NINSÃ YĨNGA VIDEO WÃ, TƖ RẼ POOR BƖ Y LEOK SOGSGÃ:

• Bõe yĩng tɩ d segd n dɩk a Moyiis togs-n-taare?

• Bõe la zak-soben-dãmbã segd n maane?

• Zak pʋgẽ Biibl zãmsgã sasa, bõe zug la zakã rãmb tõe n sõse?

• Wãn to la d sẽn gũud bũmb ninsã tõe n sõng-d zu-loeesã taoore?

• Bõe la yãmb gũud ne y sũur fãa?