Ki-kãngã tɛka, kiris-nebã vɩɩm la b tʋʋma tigsgã pipi nengã zugu, d na n toeema d sẽn tõe n kãab sɛbã to-to wã. Sõsg tɩʋʋsgo: Yaa sokre, vɛrse, la sokr a to sẽn na yɩl n lebg n wa kaag kɛlgdã nindaare. Semen fãa, yaa video a ye la b na n ning tɩ d gese. Pipi sõsg wall lebg-n-tɩ-ges sasa, koe-moond fãa n na n ges sɛb nins d sẽn tar n zãmsd nebã sʋka, n yãk a sẽn dat a soab n kãab kɛlgdã. Sẽn paase, na-kẽndrã zugu, b na n wilga d sẽn tõe n maan lebg-n-tɩ-ges a yiib to-to. Sẽn lebg woto wã, na n sõng-d lame tɩ d tõog n zãms Biiblã ne “neb nins fãa sẽn tar yam ning sẽn zems ne vɩɩm sẽn ka sɛtã”—Tʋʋ. 13:48.
Karen-biisã sõsse: Sã n pa b kosa karen-biig t’a maan bũmb a to, a segd n mak n wilga d sẽn tõe n sõs ne ned to-to.