Yãk-y y zo-rãmbã ne yam

Bũmb ning sẽn paam Israyɛll nebã b sẽn wa n be Moaab we-rasempʋɩɩgẽ wã yaa keoogr n kõ kiris-nebã. (1 Kor. 10:6, 8, 11) Israyɛll neb n wa yik n tũud Moaab pagb sẽn da yaa pʋg-yoaadb la bõn-naands pʋʋsdba. Pʋg-kãens belg-b lame tɩ b maan yel-wẽn-kãsemse. Rẽ baasa ne neb wʋsg kũum. (Sõd. 25:9) Tõnd me bee ne neb sẽn pa a Zeova Kaset rãmba. Wala makre, d tʋm-n-taase, d karen-bi-taase, d yagse, d roagdb la d mitinsi. Biiblã kiba-kãngã sõngda tõnd tɩ d bãng tɩ d sã n yõg zood ne neb a woto, tõe n waa ne yel-bʋse?

GES-Y VIDEO WÃ: NEB KIBAY SẼN KEOOGD TÕNDO—B SẼN KƲRGE. RẼ POOR BƖ Y LEOK SOGSGÃ:

• 

  Bõe la a Zimri la neb a taab yeel a Yamin, tɩ wilgd tɩ b ra tara tags-kɛga?

• 

  Wãn to la a Fineyaas sõng a Yamin t’a toeem a sẽn da get yɛlã to-to wã?

• D segd n gomda noog-noog ne neb nins sẽn pa a Zeova Kaset rãmbã. La bõe yĩng tɩ rẽ pa yembr ne lebg b zoa?

• Bõe yĩng tɩ d segd n maan gũusg d zo-rãmbã yãkr wɛɛngẽ, baa tigingã pʋgẽ?

• Nina mi n tara zo-rãmb sull ne reezo sosiyo rãmbã maasem, n dat tɩ d naage, tɩ tõnd yaool n pa mi-b ye. Bõe yĩng tɩ d segd n zãag d meng ne zood a woto?