D modg n tũ Des exemples qui nous servent d’avertissement video wã pʋgẽ saglsã

D sã n tũ sagls nins sẽn be Des exemples qui nous servent d’avertissement video wã pʋgẽ wã ne d sũur fãa, na n kenga d fãa raood tɩ d tall d burkĩndã. Karm-y Sõdbo sak 25 la kibay a taab sẽn be Étude perspicace des Écritures volim a 2, seb-neng 302, sull a 4-6, la y yaool n ges video wã. Rẽ poore bɩ y leok sogs-kãensã: Ra yaa ãnd dãmb la Moaab nebã, la bõe yĩng t’a Zeova ra yeel a Moiiz tɩ b ra zab ne-ba? (Tõo. 2:9) Wãn to la a Balaam ra sɩfd n na n tũnug ne Moaab nebã n sãam Israɛlle? Bõe yĩng tɩ d pa segd n yĩm tɩ Israɛll neb wʋsg pa tall b burkĩndã makr pʋgẽ b sẽn wa n kolg kãabg tẽngã kõomã?—1 Kor. 10:11, 12.

D sã n dat n yɩ kɩs-sɩd rãmb la d paam Wẽnnaam barkã, bɩ d tags n ges wãn to la d tõe n gũus sõma vɩɩma nens a naasã sẽn bilg pʋgẽ ka wã d video wã gesg sasa. 1) D tagsgã wɛɛngẽ: Wãn to la Israɛll neb kẽer wilg tɩ b tara tagsg sẽn pa zems a Zeova la a siglgã zugu? La manesem bʋg la tõnd segd n modg n talle? 2) D tũud-n-taarã wɛɛngẽ: Bõe yĩng t’a Zeova ra pa rat tɩ Israɛll nebã lebg Moaab rãmbã zo-rãmba? (Yik. 34:12; Yel. 13:20) Bõe yĩng tɩ d segd n bao d zo-rãmbã ne yam? 3) D vɩɩm manesmã wɛɛngẽ: Yel-wẽn-bʋg pʋgẽ la tũud-n-ta-wẽnsã kɩt tɩ Israɛll neb sẽn ta 23000 lʋɩ? (1 Kor. 10:8) Rũndã-rũndã, bõe n tusd Wẽnnaam nebã tɩ b lʋɩt yoob pʋgẽ? 4) D Wẽnnaam balengã wɛɛngẽ: Wãn to la Israɛll nebã paam makr b Wẽnnaam balengã wɛɛngẽ? Bõn-naands baleng bʋs sẽn solg pʋgẽ la neb kẽer tõe n lʋɩ rũndã-rũndã, la wãn to la d tõe n gil bõn-kãngã?—Kol. 3:5.

Darmã pʋgẽ, wãn to la a Zamin paam bark a sẽn pa yo wã yĩnga? Ne video wã maasem, sagl-bʋs la Siglga taoor lʋɩtb Sull kõt kiris-neb hakɩkã fãa? Yãmb sã n yaa zak soaba, bõe yĩng tɩ y tagsdẽ tɩ yaa yam tʋʋmd tɩ y zaka rãmb gesd video kãngã n yɩlemdẽ?