Video zug d sẽn segd n tags sõma
“Video kãngã sɩd kɩtdame tɩ ned tagse!”
“A kẽe mam sũur hal sõma!”
“A sidgda mam yĩnga!”
1 Yãmb me sẽn ges Les jeunes s’interrogent. . . comment se faire de vrais amis? video wã pipi daarã, y tagsa woto bɩ? Yʋʋm a wãn sẽn looge, bi-bɩɩg a ye sẽn yaa saam-biig paama zu-loees a zo-rãmb yĩnga. B kɩtame t’a ra pa ye nand sɩdã, la a sãam zood ning a sẽn da tar ne a Zeova wã. La video kãngã waoongã sɩd zemsame. Bi-bɩɩgã gʋlsa woto: “Mam sã n get video kãngã fãa, m daaga nintãm. M pʋʋsa a Zeova bark a sẽn sõng-ma yĩnga.” Video wã kɩtame t’a tõog n toeem a vɩɩmã la a bao zo-rãmb hakɩka. A paasa woto: “Yaa vẽeneg tɩ yãmb mii kom-bɩɩsã vɩɩm sẽn yaa to-to la b sẽn dat bũmb ninsã.” Roagdbã ne kom-bɩɩsã, bɩ y lebg n ges video kãngã y zak pʋgẽ Biibl zãmsgã sasa t’a yaa sõma ne-yã. A babg fãa baasgẽ, bɩ y yals n tik sogsg nins sẽn pʋgdã zug n sõs ne taaba.
2 Video wã pipi babgã: Ãnd soab la zoa hakɩka?—Yel. 18:24.
3 Bũmb nins sẽn tõe n gɩdg zoodo: Bõe n tõe n sõng-y tɩ y ra maan yɩɩr tɩ y yaa y yembre? (Fil. 2:4) Bõe yĩng tɩ y segd n maneg y zʋgdã?, la ãnd n tõe n sõng-y tɩ y maan dẽ? Bõe n tõe n sõng-y tɩ y paam zo-rãmb wʋsgo?, la zĩ-bʋg la y tõe n paam zo-kãense?—2 Kor. 6:13.
4 Zood ne Wẽnnaam: Wãn to la y tõe n paam zood sõmã ne a Zeova, la bõe yĩng tɩ y segd n modg n bao rẽ? (Yɩɩl 34:9) Ãnda n tõe n sõng-y tɩ y zoodã ne Wẽnnaam yɩ sõma n yɩɩge?
5 Tũud-n-taas nins sẽn yaa wẽnsã: Ãnd dãmb la tũud-n-ta-wẽnse? (1 Kor. 15:33) Wãn to la tũud-n-ta-wẽnsã tõe n sãam ned tẽebo? Bõe la a Dina kibarã sẽn be Biiblã pʋgẽ wã zãmsd tõndo?—Sɩng. 34:1, 2, 7, 19.
6 Rũndã-rũndã: Wãn to la a Taara nams a sẽn da pa tar zo-rãmbã yĩnga? Bõe la a yeel n kõ a meng bʋʋm a sẽn tɩ bao dũniyã pʋgẽ kom-bɩɩs zoodã? Yel-bʋs pʋsẽ la a zo-rãmbã kẽes-a? Bõe yĩng t’a roagdbã pa bãng t’a ra bee yell pʋgẽ, la ne manesem bʋg la roagdbã sõng-a t’a tẽeg tɩrg tẽebã wɛɛngẽ? Wãn to la saam-bi-poak sẽn yaa so-pakd wilg t’a yaa a Taara zoa hakɩka? Bõe yĩng tɩ kiris-nebã segd n tũ sagls nins sẽn be Yelbũnã 13:20 la Zeremi 17:9 pʋgẽ wã? Bõe la a Taara zãmsẽ tɩ tar yõod wʋsgo?
7 Baasgẽ wã: Video kãngã pʋgẽ, bõe la y zãms-yã? Wãn to la y tõe n dɩk rẽ n sõng neb a taaba?—Yɩɩl 71:17.