“Bɩ y ra tol n maan yɩɩr ye”

A Zeova ra sõngda Israyɛll neb nins sẽn yaa naong rãmbã. Rũndã-rũndã, bõe la a maand n sõngd naong rãmb nins sẽn be a nin-buiidã sʋkã?

• A sõngd-b lame tɩ b tar tagsg sẽn zems ligdã wɛɛngẽ.—Luk 12:15; 1 Tɩm. 6:6-8.

• A sõngd-b lame tɩ b nand b mense.—Zoob 34:19.

• A sõng-b lame tɩ b bãng tɩ b segd n tʋma ne b sũy fãa, la b ra tall minim-wẽns ye.—Yel. 14:23; 20:1; 2 Kor. 7:1.

• A sõng-b lame tɩ b be a nin-buiidã sẽn nong taab wa zag-yɛng nebã sʋka.—Zã 13:35; 1 Zã 3:17, 18.

• A sõng-b lame tɩ b bãng tɩ manegr n wate.—Yɩɩn. 9:18; Eza. 65:21-23.

Baa d yɛlã sẽn wa n yaa toog to-to, d pa segd n maand yɩɩr ye. (Eza. 30:15) D sã n dengd n baood a Zeova Rĩungã, a na n sõng-d lame tɩ d paam bũmb nins sẽn yaa tɩlɛ ne-dã.—Mat. 6:31-33.

GES-Y VIDEO WÃ: NONGLEM PA SAT A BADA . . . BAA D SÃ N BE NAONG PƲGẼ—KÕNGO. RẼ POOR BƖ Y LEOK SOGSGÃ:

• 

  Bõe la saam-biis nins sẽn be tẽns nins pʋsẽ b sẽn maand tigis-kãsemsã maanda, n deegd saam-biis nins sẽn yi zĩis a taab n wa wã sãando?

• 

  Wãn to la video wã wilgd t’a Zeova nonga naong rãmbã?

• 

  Baa d nusã sã n pa zãada, wãn to la d tõe n dɩk a Zeova togs-n-taare?