Kiris-nebã vɩɩm la b tʋʋma tigissã na-kẽndr sebr not-rãmbã
© 2023 Watch Tower Bible and Tract Society of Pennsylvania
YƲƲM-VẼKR RASEM A 1-7
D SẼN BÃNG BIIBLÃ KARENG PƲGẼ | ZOOB 32–33
D bels neb nins sẽn maand yɩɩrã
it-1 724
A Elihu
A Elihu ra pa bakd ned n sõngdẽ ye. A ra pa gomd no-noom goam n na n belg ned me ye. A wilgame tɩ wa a Zoobe, Sẽn-tõe-a-fãa wã n yaa yẽ Naanda, la t’a naana yẽ ne tãndo. A Elihu ra pa rat n kẽes a Zoob rabeem ye. A goma ne-a wa ned sẽn gomd ne a zoa hakɩɩka. A sẽn wa n gomd ne-a wã, a pʋda a Zoob yʋʋrã. A Elifaaze, a Bildaad ne a Sofaar yaool n pa maan woto ye.—Zoob 32:21, 22; 33:1, 6.
Yãmb geta ka pãng rãmbã wa a Zeova sẽn get-b to-to wã bɩ?
8 D sã n tẽeg tɩ yaa zu-loees n kɩt tɩ d tẽed-n-taas kẽer koms raoodo, tõe n sõng-d lame tɩ d yɩ wʋmdba. Tõe tɩ yaa yam-ka-m-meng bãaga, wall bãag a to n namsd-ba, wall b vɩɩ ne neb sẽn pa a Zeova Kaset rãmba. Tõnd sã n tar zu-loe-kãensã, d na n datame tɩ d taabã zoe d nimbãanega. Tẽeg-y Israyɛll nebã yelle. B namsa Ezipt wʋsgo. La nand tɩ b kẽ kãabg tẽngã pʋgẽ, a Zeova yeel-b lame tɩ b saam-biig sã n yaa naong soab bɩ b ‘ra keng b sũur’ ne-a ye. A ra ratame tɩ b sõng naong rãmbã la nimbãan-dãmbã.—Tõo. 15:7, 11; Maan. 25:35-38.
9 D tẽed-n-taag sã n wa tar zu-loɛɛga, d pa segd n yɩ tao-tao n ning-a taale, wall d tags tɩ d são-a lame ye. D segd n sõng-a lame. (Zoob 33:6, 7; Mat. 7:1) D rɩk makre: Ned sã n zomb montɛɛr n tɩ fão n pogl tɩ b rɩk-a n kẽng logtor-yiri, logtoɛɛmbã na n sokdame n dat n bãng sã n yaa yẽ n pa kẽn sõma sɩda? Ayo. B na n yɩɩ tao-tao n tɩp-a. Woto me, d tẽed-n-taag sã n wa tar zu-loees tɩ koms a raoodo, d yɩ tao-tao n sõng-a.—Karm-y 1 Tesalonik rãmb 5:14.
10 D tẽed-n-taas kẽer tõe n wõnda neb sẽn ka pãnga. La d sã n tags n ges b yɛlã sẽn yaa to-to wã, d bãngdame tɩ b tara pãnga. Mams-y saam-bi-poak sɩd sẽn pa a Zeova Kaset soab sẽn segd n mao to-to n kell n tũ a Zeova. Yaa woto me ne saam-bi-poak sẽn yaa a ye n wubd a kamba. Mams-y-yã a sẽn segd n modg to-to n tõog n kẽnd tigissã n pa vaandẽ. Kom-bɩɩs nins sẽn kẽnd lekollã me modgdame n sakd a Zeova, baa b karen-bi-taasã sẽn pẽdgd-b n dat tɩ b maan wẽngã. Nin-kãensã fãa nonga a Zeova, n dat n kell n sak-a ne b sũur fãa. D sã n tags d tẽed-n-taasã sẽn modg to-to n tũud a Zeova wã, d bãngdame tɩ baa b sẽn wõnd ka pãng rãmbã, b tẽebã tara pãng wʋsgo.—Zak 2:5.
D maanda wãn n bãng goam wakat n bake?
17 A Eliyu sẽn kĩ ne a Abrahaamã tũu rap a tãabã tɩ b wa a Zoob nengẽ. A maaga a yĩng n kelg a Zoob ne rap a tãabã. Yaa vẽeneg t’a kelga goamã neere, bala a tõog n sagla a Zoob ne nimbãan-zoeere, la a tõog me n pa solg-a sɩdã, tɩ sõng-a t’a rems a tagsgã. (Zoob 33:1, 6, 17) Sẽn da pak a Eliyu n yɩɩd yaa a Zeova paam pẽgre. A ra pa baood n na n pẽg yẽ mengã wall ned a to ye. (Zoob 32:21, 22; 37:23, 24) A Eliyu manesmã wilgda tõnd tɩ wakat ninga, sẽn segd yaa d sĩnd la d kelg bala. (Zak 1:19) Sõngda tõnd tɩ d bãng me tɩ d sã n wa sagend neda, sẽn segd n pak-d yaa a Zeova paam waoogr lakae, pa tõnd ye.
18 D sã n tũud Biiblã sagls nins sẽn sõngd tõnd tɩ d bãng goam wakat n bakã, la d sẽn tõe n gom to-to tɩ yɩ sõma wã, wilgdame tɩ d miime t’a Zeova sẽn naan ninsaal t’a tõe n gomã yaa bõn-sõngo. Rĩm a Salomo ra yeelame: “Gomd sẽn gom a wakat yaa wa b sẽn dõog sãnem tɩ-biis wanzuri zugu.” (Yel. 25:11) D sã n maagd d yĩng n kelgd d taabã, tɩ d sã n na n gom me bɩ d reng n tagse, d no-goamã tõe n yɩɩ wa sãnem b sẽn dõog tɩ wõnd tɩɩg biisi, n naag wanzuri n yõge. Goam sẽn nafde, t’a kelgr be yamleoog me! Rẽ, d nonga goam tɩ d pa gomd wʋsg me, d goamã na n kengda d taabã raoodo, la kɩt me t’a Zeova sũur noom ne-do. (Yel. 23:15; Efɛ. 4:29) Woto, d wilgda Wẽnnaam tɩ d sũur nooma ne goamã tõog a sẽn kõ-dã. Bũmb kae d sẽn tõe n maan tɩ wilg rẽ n le yɩɩd woto ye!
D bʋgs Wẽnnaam Gomdã zug neere
Kogl-y yãmb ne a Zeova zoodã
10 D sã n manegd d mens n dat n yɩ neere, pa wẽng ye. La d pa segd n maand d sẽn tõe fãa sẽn na yɩl tɩ nebã ra neẽ tɩ d kʋʋndame ye. Biiblã yeela woto: “Zoob-peend yaa wa waoogr maanfo. La yaa tɩrlem sor zug la b paamd-a.” (Yel. 16:31) A Zeova getame tɩ tõnd sẽn sɩd yaa ned ningã yõod yɩɩda d neermã, tɩ tõnd me segd n maan woto. (Karm-y 1 Pɩyɛɛr 3:3, 4.) Rẽnd pa tar yõod tɩ nagem yĩng bɩ d maan woperasɩõ, n sõod kaam wall d vond tɩt sẽn tõe n ning d vɩɩmã yell pʋgẽ ye. Neerem hakɩkã pa be ne d laafɩ wall d yʋʋm ye. Yaa “sũ-noog ning” a Zeova sẽn kõtã n wat ne rẽ. (Neh. 8:10) Dũni-paalgã pʋgẽ bal la d na n paam laafɩ hakɩka, la d le lebg poala. (Zoob 33:25; Ezai 33:24) La nand tɩ wakat kãng ta, d sã n tʋmd ne yam la tẽebo, na n sõng-d lame tɩ d ra zãag ne a Zeova, la d ra bas tɩ yɩ d laafɩ wã yell bal n pak-d ye.—1 Tɩm. 4:8.
YƲƲM-VẼKR RASEM A 8-14
D SẼN BÃNG BIIBLÃ KARENG PƲGẼ | ZOOB 34–35
Sã n wa wõnd yaa nin-sõamyã la yel-kɛgã paamda
Wẽnnaam zʋg-kãsemsã la bʋse?
Wẽnnaam maanda sẽn yaa tɩrg wakat fãa. Togs sɩdã, “Wẽnnaam sẽn yaa Pãng-Soabã zãra ne wẽng maanego. Bãmb ka tol n maand wẽng ye!” (Zoob 34:10) A Zeova kaooda bʋʋd tɩrga. Yɩɩn-gʋlsdã goma rẽ yell n yeel-a yaa: “Yãmb bʋʋda nebã bʋʋd ne tɩrlem.” (Yɩɩn-sõamyã 67:5) A Zeova sẽn ‘get sũurã,’ ned pa tõe n maan zãmb n belg-a ye. A sẽn tõe n bãng sẽn yaa sɩdã yĩnga, kɩtame t’a kaood bʋʋd tɩrga. (1 Sãmwɛll 16:7) Sẽn paase, Wẽnnaam nee nebã sẽn zãmbd taab la b wẽgd taabã. A pʋlmame tɩ ka la bilfu, a “na n menesa nin-wẽnsã tẽngã pʋga.”—Yel-bũnã 2:22.
Wẽnnaam Rĩungã sã n wa, bõe n pa na n le zĩndi?
5 Bõe la a Zeova na n maane? A Zeova basa weer tɩ nin-wẽnsã tõe n toeeme. (Eza. 55:7) Baa a Zeova sẽn na n sãam dũni-kãngã ka la bilfã, a nan pa kao nin-wẽnsã bʋʋd ye. La b sã n pa sak n toeeme, n kell n teel dũniyã n tãag to-kãsengã sasa, bõe n na n paam-ba? A Zeova pʋlmame t’a na n sãama nin-wẽnsã fãa. (Karm-y Yɩɩn-sõamyã 37:10.) Nin-wẽnsã tõe n tẽedame tɩ b na n põsa sãoong ning sẽn watã. B wʋsg mii b sẽn tõe n maan to-to n solg b tʋʋm-wẽnsã. Naoor wʋsg menga, b pa paamd sɩbgre, la tõe n wõnda wa b põsda b tʋʋm-wẽnsã biisi. (Zoob 21:7, 9) La d tẽeg tɩ Biiblã yetame: “Wẽnnaam geta nebã fãa manesem. Bãmb geta bũmb nins fãa nebã sẽn maandã. Lik bida wall zĩ-libsg ka be yel-wẽn maandb sẽn tõe n kẽ n soond ye.” (Zoob 34:21, 22) Dẽnd zĩig kae ned sẽn tõe n solg tɩ Wẽnnaam pa yã-a ye. A nee bũmb nins fãa nin-wẽnsã sẽn maandã. Armagedõ loogr poore, d na n gesa b sẽn da be zĩis ninsã, la d pa na n yã b baa a yembr ye. B pa na n tol n le zĩnd ye!—Yɩɩn. 37:12-15.
Yãmb na n basame tɩ bũmb kɩt tɩ y pa tũ a Zeezi bɩ?
19 Nebã manesem yaa woto rũndã-rũndã bɩ? N-ye. Rũndã-rũndã, neb wʋsg pa kelgd tõndo, d sẽn pa kẽesd d toog politikã yɛlẽ wã yĩnga. B ratame tɩ naam baoob sasa bɩ d naag n vote. La d miime tɩ sã n yaa ne a Zeova, d sã n yãk ninsaal t’a na n dɩ naam d zugu, yaa yẽ la d pa rat t’a yɩ d naaba. (1 Sãm. 8:4-7) Nebã tõe n tagsdame me tɩ d segd n mee lekoll-dãmb la logto-yiya, la d tʋmd tʋʋm a taab n sõngd nin-buiidã. Sẽn yaa koɛɛgã mooneg n pak tõnd n yɩɩd la pa dũniyã zu-loeesã welgr zĩig pʋgẽ wã, kɩtame tɩ b pa kelgd koɛɛgã tõnd sẽn moondã ye.
20 Bõe la d tõe n maan n da wa bas n pa le tẽed a Zeezi? (Karm-y Matiye 7:21-23.) Sẽn segd n pak tõnd n yɩɩd yaa d tʋm tʋʋmd ning a Zeezi sẽn kõ noor tɩ d tʋmã. (Mat. 28:19, 20) D ra tol n bas tɩ politikã yɛla, la nin-buiidã zu-loeesã welgr kɩt tɩ d pa le tʋmd d tʋʋmdã ne yẽesem ye. Tõnd nonga nebã, b zu-loeesã yell me pak-d lame. La d miime tɩ d sẽn tõe n maan n sõng d taabã tɩ naf-b n yɩɩda, yaa d sẽn na n sõng-b tɩ b bãng Wẽnnaam Rĩungã, la d sõng-b me tɩ b paam a Zeova zoodo.
D bʋgs Wẽnnaam Gomdã zug neere
Bɩ d sakd a Zeova tʋʋmã ne yamleoogo, t’a paam pẽgre!
3 Bi-bɩɩg yʋʋr sẽn boond t’a Elihu n da kelgd a Zoob ne rap a tãabã sõsgã. Rẽ poore, a soka a Zoob yaa: “Fo sã n yaa tɩrga, a kõta bãmb [Wẽnnaam] bõe? Bãmb deegda bõe fo nengẽ?” (Zoob 35:7) Rẽ yĩnga, a Elihu me ra rat n yeelame tɩ tõnd sẽn modgd n tũud Wẽnnaamã yaa zaalem bɩ? Ayo. A Zeova ra zaba rap a taabã, la a pa zab a Elihu ye. A Elihu ra rat n wilgame bal tɩ d sẽn tũud a Zeova wã pa bũmb sẽn yaa tɩlɛ ne-a ye. Bũmb pa paoog a Zeova ye. Tõnd pa tõe n kɩt t’a ziirã wall a pãngã paas ye. Bõn-sõma nins fãa d sẽn tarã, wala makre, d tõogo, d minim, d bãngre, fãa yita a Zeova nengẽ. A gũusd n geta tõnd sẽn tar dẽ n maand bũmb ninsã.
YƲƲM-VẼKR RASEM 15-21
D SẼN BÃNG BIIBLÃ KARENG PƲGẼ | ZOOB 36–37
D tõe n kɩsa sɩd tɩ vɩɩm sẽn kõn sa wã Wẽnnaam sẽn pʋlmã na n pidsame
D sɩd tõe n bãnga Wẽnnaam bɩ?
WẼNNAAM SẼN BE WAKAT FÃA WÃ: Biiblã wilgame tɩ Wẽnnaam “sɩng n yaa Wẽnnaam zamaan woo zamaane.” (Yɩɩn-sõamyã 90:2) Woto rat n yeelame tɩ Wẽnnaam pa tall sɩngre, la t’a pa na n tall saab me ye. “Ned ka tõe n bãng bãmb yʋʋmã sõor ye.”—Zoob 36:26.
Rẽ sẽn nafd-y to-to: Wẽnnaam pʋlmame tɩ y sã n bao n bãng-a, y tõe n wa vɩɩmda wakat sẽn kõn sa. (Zã 17:3) Wẽnnaam mengã sã n da pa vɩ wakat sẽn kõn sa yĩnga, y tõe n tẽe rẽ sɩda? Yaa “rĩm ning sẽn be-a wakat sẽn kõn sa” wã bal n tõe n pids pʋlen-kãnga.—1 Tɩmote 1:17.
D sũur nooma ne bõn-sõma nins Wẽnnaam sẽn kõ-dã bɩ?
6 Koom bee tẽngã zugu, bala tẽngã sẽn zãr ne wĩntoogã to-to wã kell n zemsa kɛpɩ. Tẽngã sã n da kolgẽ wĩndgã bilf n paase, koomã zãng ra na n wɩngame n lebg walem, tɩ tẽngã wɩng basɩ, tɩ bõn-vɩɩg pa tõe n zĩnd a zug ye. Tẽngã sã n da zãag ne wĩndgã bilfu, koomã zãng ra na n lebga galaase, tɩ tẽngã gill lebg galaase. A Zeova sẽn naan wĩndgã t’a zãrmã ne tẽngã zems kɛpɩ wã yĩnga, koomã sẽn be tẽngã zugã sekda bõn-vɩɩlɩ wã fãa. Wĩntoogã wɩngda mogrã la kʋɩlsã koom tɩ lebgd walem, n zẽkd n lebgd sawato. Yʋʋmd fãa, koomã wĩntoogã sẽn kɩtd tɩ lebg walmã tata litr milyaar tusri. Ko-kãng sẽn zẽkdã paada yĩngr n maan sẽn zems rasem piiga, n yaool n ni, wall a sig wa sa-lamd bɩ neeze. Ko-kãng baasd n leba mogrẽ wã, bɩ kʋɩlsẽ wã. Yaa woto la koomã gilgd n wat wakat fãa. A Zeova sẽn maan tɩ d tõe n paam koomã woto wã wilgdame t’a yaa yam la pãn-kãseng soaba.—Zoob 36:27, 28; Koɛ. 1:7.
Ket-y n saagd-y tɩ manegr n wate
16 D sẽn saagd n na n wa vɩɩmd wakat sẽn kõn sa wã yaa kũun-kãseng Wẽnnaam sẽn kõ-do. D gũuda beoog daar sẽn yaa sõma wʋsg ne d sũur fãa. D kɩsa sɩd tɩ na n yɩɩ woto. D sẽn saagd n na n wa vɩɩmd wakat sẽn kõn sa wã yaa wa baar sẽn sõngd tõnd tɩ d yalsd kãn-kãe la d tõogd toog zu-loees taoore, namsg taoore, la baa kũum taoore. A leb n yaa wa kut pugl sẽn kogend d tagsa wã, la sõngd tõnd tɩ d tõe n zãag d mens ne sẽn yaa wẽnga, la d maand sẽn yaa sõma. Biiblã sẽn yet bũmb ning beoog daarã wɛɛngẽ wã sõngda tõnd tɩ d bãngd a Zeova sõma n paasdẽ, la wilgd tõnd t’a nong-d-la wʋsgo. D sã n modg tɩ d sẽn saagd tɩ manegr n watã ket n tar pãnga, na n naf-d-la wʋsgo.
D bʋgs Wẽnnaam Gomdã zug neere
it-1 503
Nebã sẽn da taasd taab kibayã to-to
Biiblã wilgdame tɩ pĩnd wẽndẽ tẽnsã pʋsẽ, nebã ra taasda taab kibayã ne manesem buud toor-toore. Sẽn na yɩl tɩ kibayã ta zĩis wʋsgo, b ra tʋmda koe-taasdba. (2 Sãm. 3:17, 19; Zoob 37:20) Naoor wʋsgo, so-toadgbã sẽn mi n naag so-toagdb sull a taab n togd sorã sã n da yals zĩig n na n da rɩɩbo, koom la bũmb a taaba, b ra taasda zĩ-kãens nebã kibaya, tẽns a taab wɛɛngẽ. Palɛstin tẽngã sẽn da be zĩig ning ne Aazi, Afirik la Erop soolmã yĩng kɩtame tɩ yaa be la so-toagdb wʋsg sẽn yit zĩis toor-toor ra tũud n kẽnd tẽns a taab pʋsẽ. Dẽnd Palɛstin nebã ra tõe n paama tẽns a taabã kibaya, n bãng yɛl nins sẽn maan tɩ tar yõodã. Naoor wʋsgo, b ra tõe n paama kiba-kãens tẽngã raasẽ.
YƲƲM-VẼKR RASEM 22-28
D SẼN BÃNG BIIBLÃ KARENG PƲGẼ | ZOOB 38–39
Yãmb baooda sẽk n get bũmb nins a Zeova sẽn naanã bɩ?
Yãmb na n kell n gũu a Zeova bɩ?
7 Biiblã goma a Zeova sẽn naan tẽngã to-to wã yelle, n yeel t’a ‘tẽega wĩir n mak’ tẽngã, t’a ‘tebenda a yẽbgrã t’a yasẽ,’ la t’a ‘tilga a soakã zĩigẽ kugrã.’ (Zoob 38:5, 6) A pʋd n dɩka sẽk n maag a yĩng n tags a tʋʋmdã yelle. (Sɩng. 1:10, 12) Tags-y n ges-y malɛgsã manesem sẽn yɩ to-to, b sẽn yã bũmb nins fãa a Zeova sẽn naanã. B sũyã tog n yɩɩ noog wʋsgo. Bala, b sɩngame n “kaasd ne sũ-noogo.” (Zoob 38:7) Rẽ wɛɛngẽ, yam-bʋg la d tõe n dɩke? A Zeova rɩka yʋʋm tusa n na n naan bũmba fãa. La a sẽn maag a yĩng n ges bũmb nins fãa a sẽn naanã, a yãame tɩ “yaa sõma hal wʋsgo.”—Sɩng. 1:31.
Kũum vʋʋgrã wilgda a Zeova nonglmã, a yamã la a sũ-marã
2 Pipi, a Zeova naana a Biig a Zeezi. Rẽ poore, ne a Zeezi maasem, a ‘naana bũmb a taabã fãa,’ malɛgs milyõ-rãmbã sẽn naage. (Kol. 1:16) A Zeezi sũur da nooma a sẽn paam n tʋmd ne a Ba wã. (Yel. 8:30) Malɛgsã me sẽn yaa Wẽnnaam kom-dibli wã sũy ra noomame. A Zeova ne a tʋʋm-mit a Zeezi sẽn wa n naand saasã ne tẽngã, malɛgsã ra getame. B manesem yɩɩ wãna? A Zeova sẽn wa n naan tẽngã n sa, b sɩngame n “kaasd ne sũ-noogo.” Sãmbg kae tɩ b kell n kaasa sũ-noogo, bũmb nins fãa a Zeova sẽn naanã yĩnga, sẽn yɩɩd fãa a sẽn wa n naan ninsaalã. (Zoob 38:7; Yel. 8:31) Bũmb nins fãa a Zeova sẽn naanã pukda a nonglmã la a yamã.—Yɩɩn. 104:24; Rom. 1:20.
A Zeova sẽn naan bũmb ninsã sõngd-d lame tɩ d bãng-a sõma
8 Zemsame tɩ d kɩs a Zeova sɩda. A Zeova sõnga a Zoob t’a maneg n kɩs-a sɩda. (Zoob 32:2; 40:6-8) Wẽnnaam sẽn wa n sõsd ne a Zoobã, a goma bũmb wʋsg a sẽn naan yelle. Wala makre, ãdsã la sa-yãgbã. A Zeova leb n goma rũms kẽer yelle. Wala makre, we-naafo, la wed-moaaga. (Zoob 38:32-35; 39:9, 19, 20) Bõn-kãensã fãa pa wilgd bal t’a Zeova pãngã ka to ye. Wilgdame t’a yaa nonglem soaba, la t’a yamã ka koak ye. A Zeova sẽn sõs ne a Zoobã sõnga a Zoob t’a maneg n kɩs-a sɩd n yɩɩd pĩndã. (Zoob 42:1-6) Woto me, d sã n maagd d yĩng n get a Zeova sẽn naanã, d bãngdame t’a yamã la a pãngã yɩɩda tõnd hal zĩig sẽn zãre. Sẽn paase, a tõe n kɩtame tɩ d zu-loeesã fãa sa. A pʋd n na n maana woto. D sã n ning rẽ d yamẽ, na n sõng-d lame tɩ d maneg n kɩs-a sɩda.
D bʋgs Wẽnnaam Gomdã zug neere
it-2 122
Tõod lugunda
Yaa a Zeova la Tõod lugundã. Ãndũniyã fãa pʋgẽ, yaa a Zeova a ye tãa la tõod lugundã. Yaa yẽ n lugl noy bõn-naands nins sẽn pa vɩ wã yĩnga (Zoob 38:4-38; Yɩɩn. 104:5-19), la rũmsã yĩnga. (Zoob 39:1-30) Ninsaalbã a Zeova sẽn naanã me tũuda noy nins a sẽn luglã. Sẽn mik tɩ b yaa bõn-naands sẽn tar yam, sẽn tõe n tagse, la sẽn tõe n paam zood ne Wẽnnaamã, b tũuda noy nins Wẽnnaam sẽn lugl sẽn yaa sõma la wẽngã wɛɛngẽ wã me. (Rom. 12:1; 1 Kor. 2:14-16) Sẽn paase, malɛgsã me tũuda noy nins a Zeova sẽn luglã.—Yɩɩn. 103:20; 2 Pɩy. 2:4, 11.
Noy nins a Zeova sẽn lugl tɩ bõn-naandg fãa segd n tũ wã pa tõe n vɩɩg ye. (Zer. 33:20, 21) Bũmb nins a Zeova sẽn naan tɩ d tõe n yã wã wɛɛngẽ, noy nins a Zeova sẽn lugl tɩ b tũudẽ wã yaa noy sẽn vigl kãn-kae, la sẽn pa toeemd ye. Kɩtame tɩ bãngdbã mi noy kẽer bõn-naandsã wɛɛngẽ, hal n tõe n mag n ges n bãng kiuugã, planɛt-rãmba, la bũmb a taab sẽn kẽnd to-to segõnd fãa pʋgẽ. Bõn-naandg ning fãa sẽn pa tũud noy nins a Zeova sẽn lugl bũmb fãa sẽn segd n kẽnd to-to wã wɛɛngẽ, a yãta a kɩɩsgã biis zĩig pʋgẽ. Woto me, noy nins a Zeova sẽn lugl sẽn yaa sõma la wẽngã wɛɛngẽ wã yaa noy sẽn pa viigdi. Ned pa tõe n maan a toog kae, wall n kɩɩs noy-kãens n pa kẽeb a kɩɩsgã biis ye. Yaa woto me ne noy a taabã, baa f sã n pa kẽeb no-kãens kɩɩsgã biis zĩig pʋgẽ. Biiblã yetame yaa: “Wẽnnaam pa sẽn na paoog ye. Bũmb ning fãa ned sẽn bʋte, yaa rẽ me la a na n kẽebe.”—Gal. 6:7; 1 Tɩm. 5:24.
YƲƲM-VẼKR RASEM 29–WAO-FUGD RASEM A 4
D SẼN BÃNG BIIBLÃ KARENG PƲGẼ | ZOOB 40–42
Yam ning d sẽn tõe n dɩk yɛl nins sẽn paam a Zoobã pʋgẽ
“Ãnda n bãng a Zeova tagsgo?
4 D sã n wa bʋgsd a Zeova sẽn maand bũmb ninsã zugu, d segd n gũusame n da wa tik ninsaal tagsg zug n dat n wʋm rẽ võor ye. Yaa manesem kãngã yell la a Zeova sẽn gom Yɩɩl Sõamyã 50:21 wã. Be a yeela woto: “Fo tagsame tɩ mam yaa wa foom.” Sẽn yɩɩd yʋʋm 175 masã, Biibl-mit a ye ra yeela bũmb sẽn wilgd tɩ sɩd yaa woto. Ad a sẽn yeelã: “Ninsaalbã wae n tikda b mens yam zug n dat n wʋm Wẽnnaam tagsgã võore, la b tagsdẽ tɩ Wẽnnaam me segd n tũuda noy nins ninsaalbã sẽn tũudã.”
5 D segd n gũusame tɩ d sẽn tagsd to-to wã la d raab toor-toorã ra wa kɩt tɩ d tall tags-kɛg a Zeova zug ye. Bõe yĩng tɩ woto tar yõodo? Tõnd sẽn pa zems zãngã yĩnga, d sã n wa zãmsd Biiblã, d tõe n wa yãa yɛl kẽer a Zeova sẽn maane, n tags tɩ pa zems ye. Pĩnd wẽndẽ Israɛllã neb wa n talla tagsg a woto buudu, tɩ kɩt tɩ b yeel t’a Zeova sẽn da tar manesem ning ne-bã pa zems ye. Kelg-y-yã a Zeova sẽn yeel-b bũmb ningã: “Yãmb yeelame tɩ mam sẽn maan bũmb ninsã ka zems ye. Israɛll neba, kelg-y-yã! Yãmb tagsdame tɩ mam sẽn maan bũmb ninsã ka zems ye. La yaool n yaa bũmb nins yãmb sẽn maanã n ka zemse.”—Eze. 18:25.
6 Bũmb a ye sẽn tõe n sõng tõnd tɩ d ra tik d mens tagsgã zugu, n dat n wʋm a Zeova tagsg võorã yaa d sẽn na n sak n deeg tɩ d pa mi bũmb fãa, la tɩ wakat ninga, d pʋd n tudgdame. A Zoob ra segd n sak n deega woto. A namsgã sasa, a sũurã wa n sãama wʋsg t’a ra tagsdẽ tɩ sẽn maand kae ye. Sẽn paase, a wa n tagsda a mengã yell ball n yɩɩda. A ra yĩma yɛl nins sẽn tar yõod n yɩɩdã. La a Zeova sõng-a-la ne nonglem t’a tags sõma. Sẽn na yɩl n sõng a Zoob t’a bãng tɩ yɛl wʋsg n be a sẽn pa mi, a Zeova sok-a-la sogsg toor-toor sẽn yɩɩd bãmb 70, t’a pa tõog n leok baa a ye meng ye. Rẽ poore, a Zoob sika a meng n sak n dems a tagsgã.—Karm-y Zoob 42:1-6.
D tẽegdẽ tɩ sẽn pak n yɩɩdã yaa a Zeova naamã yellã
12 A Zeova sẽn gom ne a Zoob woto baa ne a sẽn da namsd wʋsgã, wilgdame t’a pa zoe a nimbãaneg bɩ? Ayo. A Zoob meng pa tags woto ye. A saka a Zeova goamã, hal n wilg tɩ kiblgã zemsame. A yeelame yaa: ‘Mam lebsda m noor poorẽ, la m maand m bãngẽ n zĩ tomẽ ne tompeglmẽ.’ (Zoob 42:1-6) Sẽn deng t’a Zeova kibl-a wã, bi-bɩɩg a ye n da zoe n gom ne-a sẽn na yɩl t’a toeem a tagsgã. Bi-bɩɩgã yʋʋr la a Elihu. (Zoob 32:5-10) A Zoob sẽn sak a Zeova kiblgã, n toeem a tagsgã, a Zeova wilgame t’a sẽn kell n maan sɩdã noogda yẽ sũuri. A goma rẽ yell ne neb a taab menga.—Zoob 42:7, 8.
“D maan tẽeb ne a Zeova”
17 A Zoob sẽn yãk a toogo, wẽn-sakdb wʋsg me kell n talla raood la b yals kãn-kãe nams-toaag sasa. Lɛtr ning tẽn-tʋmd a Poll sẽn gʋls n tool Ebre kiris-nebã pʋgẽ, a goma nin-kãensã yell n yeel tɩ b yaa “kaset rãmb ka tɛka.” (Ebre. 12:1) B fãa paama nams-toaaga, la b kell n maana sɩd ne a Zeova n tãag b yõor tɛka. (Ebre. 11:36-40) B sẽn tõog toog n kell n tʋm a Zeova tʋʋmdã wʋsgã yɩɩ zaalem bɩ? A bada! Baa ne b sẽn maan kaalem n pa yã a Zeova pʋlemsã fãa pidsgã, b kell n talla tẽeb ne-a. B sẽn da mi vẽeneg tɩ b tata a Zeova yamã yĩnga, b ra kɩsa sɩd tɩ b na n yãa a pʋlemsã pidsgu. (Ebre. 11:4, 5) B mak-sõngã tõe n sõng-d lame tɩ tõnd me kell n tall tẽeb ne a Zeova
18 Rũndã-rũndã, yɛlã tara kengre. (2 Tɩm. 3:13) A Sʋɩtãan ket n makda Wẽnnaam nin-buiidã. Bɩ d yãk yam n ket n tʋmd wʋsg a Zeova yĩnga, baa ne zu-loees nins d sẽn na n segã, n miẽ tɩ “tõnd yẽbga d tẽebã Wẽnnaam sẽn vɩ wã zugu.” (1 Tɩm. 4:10) Tẽeg-y tɩ Wẽnnaam sẽn kɩt t’a Zoob yellã baas to-to wã wilgdame “t’a Zeova tara nonglem wʋsgo, la tɩ b yaa nimbãan-zoɛta.” (Zak 5:11) Bɩ tõnd me kell n maan sɩd ne a Zeova, n miẽ t’a na n keoo “neb nins sẽn baood bãmb ne b sũy fãa wã.”—Karm-y Ebre-rãmbã 11:6.
D bʋgs Wẽnnaam Gomdã zug neere
it-2 344
Yaalgo
A Zoob kell n yɩɩ burkĩna, baa ne b sẽn da yaand-a wʋsgã. La a wa n talla tagsg sẽn pa sõma, tɩ kɩt t’a yeel bũmb n beeg a Zeova. A Zeova kibl-a-la rẽ yĩnga. A Elihu goma a Zoob yell n yeel yaa: “Ãnda n yaa wa a Zoobe, n deegd paoogr wa a sẽn yũud koom?” (Zoob 34:7) A Zoob wa n basame tɩ sẽn pak-a n tɩ yɩɩd yaa a wilg t’a bee bʋʋm n yɩɩd Wẽnnaam, tɩ rẽ kɩt t’a bao n na n wilg tɩ yẽ tɩrlmã yɩɩda Wẽnnaam. (Zoob 35:2; 36:24) A Zoob zo-rãmb a tãabã sẽn yaal-a wʋsgã, a Zoob gesame tɩ yaa yẽ la b yaanda, la pa Wẽnnaam ye. A sẽn tall manesem a woto wã, ra yaa wa ned sẽn sakd yaalg la paoogr ne sũ-noogo, tɩ yaa wa a sẽn yũud koom t’a sũur noomẽ. Wẽnnaam wa n sõnga a Zoob t’a bãng tɩ yaa yẽ zug la yaandbã sẽn togs goam sẽn pa sɩdã. (Zoob 42:7) Yaa goam a woto buud me la a Zeova togs no-rɛɛs a Sãmwɛlle, Israyɛll nebã sẽn wa n kos-a t’a yãk rĩm n kõ-bã. A yeelame yaa: “Bala pa foom la b zãgs ye. Yaa maam la b zãgs tɩ m kõn le yɩ b rĩm ye.” (1 Sãm. 8:7) A Zeezi me ra yeela a karen-biisã yaa: “Buud toɛy-toɛyã fãa na n kisga yãmb [pa yãmb mengã yĩnga, la yaa] mam yʋʋrã yĩnga.” (Mat. 24:9) Kiris-ned sã n tagsd bõn-kãensã yelle, na n sõng-a lame t’a tõog toog b sã n wa yaand-a, n kell n tall yam sõngo, la a wa paam keoore, a sẽn tõog toogã yĩngã.—Luk 6:22, 23.
WAO-FUGDG RASEM A 5-11
D SẼN BÃNG BIIBLÃ KARENG PƲGẼ | YƖƖN-SÕAMYÃ 1–4
D yɩ Wẽnnaam Rĩungã poorẽ dãmba
‘Mam na n kɩtame tɩ tẽnsã fãa rigimdi’
8 Nebã manesem yaa wãn to ne koɛɛgã d sẽn taasdã? Wʋsg pa sakd n kelg ye. (Karm-y Yɩɩn-sõamyã 2:1-3.) Dũniyã buud toɛy-toɛyã neb sũy puudame. B zãgsa rĩm ning a Zeova sẽn yãkã. B pa get Rĩungã koɛɛgã d sẽn moondã wa koe-noog ye. Goosneema kẽer pʋd n gɩdga koɛɛgã moonego. Baa ne nanambs wʋsg sẽn yet tɩ b tuuda Wẽnnaamã, b pa rat n bas b naamã ye. Rũndã-rũndã nanambsã me maanda wa a Zeezi wakatẽ nanambsã. B zabda ne a Zeezi karen-biisã, tɩ wilgdẽ tɩ b kisa rĩm ning a Zeova sẽn yãkã.—Tʋʋ. 4:25-28.
D modg n kell n da kẽ politikã yɛlẽ ye
11 Laogã nonglem. D sã n nong d paoongã tɩ loog nugu, tõe n wa yɩɩ sabab tɩ d kẽ politikã yɛlẽ. A Rut sẽn be Malawi wã yã a buudu. Yʋʋmd 1970 soabã poore, yɩɩ tɩlɛ ne a Zeova Kaset rãmb tɩ b zoe n bas b paoongo, b sẽn pa rat n kẽ politikã yɛlẽ yĩnga. Bʋko, kẽer n pa sak n na n bõn naar ning b sẽn da tarã. Ad a Rut sẽn yeele: “B tũu tõnd n zoe n yi tẽngã, la sãandã zĩndg sẽn pa yɩ nana wã, b wa n baas n kẽe politikã rãmba, n paam n leb Malawi.” La Wẽnnaam nin-buiidã wʋsg kell n sak-a lame, baa rẽ sẽn kɩt tɩ ligd paoog-ba, la kɩt tɩ b bõn bũmb a taabã.—Ebre. 10:34.
D bʋgs Wẽnnaam Gomdã zug neere
it-1 261
Wudgu
Yaa orz bɩ ble wã wall kood biis a taab pagdo. Baa ne Biiblã sẽn pa gomd wudg sɩd-sɩd yellã, a wilgda b sẽn da wae n pãbd koodã to-to pĩnd wẽndẽ wã. Kẽebgã poore, b ra pãbda koodã n yãk b pagdã sẽn pa tar yõodã. Dẽnd pagdã b sẽn da yãkdã makda bũmb sẽn yaa faoogo, sẽn ka yõodo, la sẽn pa sõma, tɩ b segd n welg-b ne sẽn yaa sõma wã, n yõoge.
Pipi, b pãbda koodã, tɩ wudga yɩ n bas biisã. Yiibu, b yelgda koodã, tɩ sebgã tall wudgã n looge. (Ges-y VANNAGE.) Makrã sɩd wilgda vẽeneg Wẽnnaam a Zeova sẽn yiisd sɩdã-kɩɩsdb to-to a nin-buiidã sʋka, la a sẽn na n wa sãam nin-wẽnsã, la a nin-buiidã bɛɛb to-to. (Zoob 21:18; Yɩɩn. 1:4; 35:5; Eza. 17:13; 29:5; 41:15; Ooze 13:3) Wẽnnaam Rĩungã na n sãama a bɛɛbã fãa, wa wudg sebgã sẽn tõe n tall n loog nana-nana.—Dãn. 2:35.
Naoor wʋsgo, b kãagda wudgã n naag taab n yõoge, sẽn na yɩl tɩ sebgã ra le tall-a n wa kalem ne koodã ye. Woto me, a Zãmbatiis ra pĩnd n goma nin-wẽns nins sẽn be ziri tũudmã pʋgẽ wã sãoong yelle. A yeelame t’a Zeezi Kirist sẽn yaa yelgdã na n tigsa ble wã, “la a yõog wudgã ne bugum sẽn pa tõe n kiisi.”—Mat. 3:7-12; Luk 3:17; ges-y BATTAGE.
WAO-FUGDG RASEM 12-18
D SẼN BÃNG BIIBLÃ KARENG PƲGẼ | YƖƖN-SÕAMYÃ 5–7
Kell-y n maan-y sɩd ne a Zeova, baa neb a taabã sã n pa maand sẽn yaa sõma
Biiblã kibay sẽn tõe n sõng-d to-to tɩ d paam pãnga
7 Y zoa wall y zakã ned n maan bũmb tɩ sãam y sũur bɩ? Sã n yaa woto, y sã n lebg n ges rĩm a Davɩɩd biig a Absalom kibarã, na n sõng-y lame. A Absalom zãmba a ba wã, n bao n na n deeg a naamã.—2 Sãm. 15:5-14, 31; 18:6-14.
8 (1) D pʋʋse: Ning-y kibarã y yamẽ, la y togs a Zeova b sẽn maan-y bũmb ningã sẽn namsd-y to-to. (Yɩɩn. 6:7-10) Pelg-y y pʋg n togs-a sẽn be y sũurẽ wã. Rẽ poor bɩ y kos-a t’a sõng-y tɩ y paam sagls n bãng y sẽn na n maaneg yellã wɛɛngẽ.
Kɩs-y sɩd tɩ y sẽn tẽed bũmb ninsã yaa sɩda.
3 Tõnd tẽebã pa segd n tik nonglem ning sẽn be kiris-neb hakɩɩkã sʋkã zug bal ye. Bõe yĩnga? D rɩk makr wa d tẽed-n-taaga, tõe meng tɩ yaa kãsem-soab wall so-pakda, sẽn na n maan yel-wẽn-kãsenga, pa rẽ bɩ tigingã ned sẽn na n beeg yãmba, wall a lebga sɩdã kɩɩsda, n yetẽ tɩ tõnd a Zeova Kaset rãmbã pa be sɩdã pʋgẽ ye. Yɛl a woto sã n wa maane, na n sãama yãmb sũur tɩ y bas a Zeova tũub bɩ? Ad d sẽn tog n gãde: Y tẽebã sã n pa tik yãmb ne a Zeova zoodã zugu, a pa na n tall pãng ye. Y sẽn nong a Zeova ne a nin-buiidã to-to wã tõe n sõng-y lame tɩ y bɩɩs y tẽebã n paase. La yaa tɩlɛ me tɩ y zãms Biiblã neere, n bao n wʋm y sẽn zãmsdã võore, la y maan vaeesg sõma siglgã sɛbã pʋsẽ, hal n wa kɩs sɩd tɩ y sẽn bãngd bũmb nins a Zeova zugã yaa sɩda. Yãmb mengã segd n kɩsa sɩd tɩ Biiblã sẽn yet a Zeova zugã la sɩda.—Rom. 12:2.
4 A Zeezi yeelame tɩ neb kẽer na n saka sɩdã “ne sũ-noogo,” la tɩ b sã n wa paam makre, b tẽebã na n komsame. (Karm-y Matiye 13:3-6, 20, 21.) Tõe tɩ b pa bãng tɩ sẽn tũud-b a Zeezi wã na n paama zu-loees ye. (Mat. 16:24) Tõe me tɩ b tẽedame tɩ f sã n yaa kiris-neda, f pa na n tol n paam zu-loeese, la tɩ f na n paama bark woo bark bala. La dũni-kãngã sẽn yaa wẽngã pʋgẽ, zu-loees pa tõe n pa zĩnd ye. D yɛlã tõe n wa toeemame, tɩ d sũ-noogã booge. (Yɩɩn. 6:7; Koɛ. 9:11)
D bʋgs Wẽnnaam Gomdã zug neere
it-1 776
Yaoogo
Rom dãmb 3:13 wã pʋgẽ, tẽn-tʋmd a Poll lebg n dɩka Yɩɩn-sõamyã 5:9 wã goamã, n mak nin-wẽnsã la zãmb-dãmbã kokorã ne “yaoog sẽn pake.” Yaoog sẽn pak yaa yaoog b sẽn na n mum kũ-rãmb wʋsgo. Woto me, nin-wẽnsã la zãmb-dãmbã koɛkoɛyã sẽn pakã yiisda goam sẽn kʋʋda, la gom-põaasa.—Ges-y Mat. 15:18-20.
WAO-FUGDG RASEM 19-25
D SẼN BÃNG BIIBLÃ KARENG PƲGẼ | YƖƖN-SÕAMYÃ 8–10
“Zeova, mam na n pẽga yãmba”!
Wilg-y tɩ y sũur nooma y sẽn paam n yaa a Zeova zakã nedã.
6 A Zeova segla zĩig sẽn yaa sõma wʋsgo, ninsaalbã yĩnga. Yʋʋm wʋsg nand t’a Zeova naan pipi ninsaalã, a reng n segla tẽngã. (Zoob 38:4-6; Zer. 10:12) A Zeova sẽn yaa kõat la maan-neer soabã yĩnga, a naana bõn-sõma buud toor-toore, sẽn na yɩl tɩ d paam sũ-noogo. (Yɩɩn. 104:14, 15, 24) A tagsa bũmb nins fãa a sẽn naanã zugu, la a yãame tɩ yaa sõma hal wʋsgo. A wilgame t’a nanda ninsaalbã, a sẽn kɩt tɩ b na n “soog” bõn-sõma nins fãa a sẽn naan tẽngã zugã. (Yɩɩn. 8:7) Wẽnnaam raabã yaa tɩ ninsaalb sẽn zems zãng ges bũmb nins fãa a sẽn naanã yell wakat sẽn kõn sa yĩnga, tɩ kõt-b sũ-noogo. Yãmb pʋʋsda a Zeova bark wakat fãa rẽ yĩng bɩ?
D sũur nooma ne bõn-sõma nins Wẽnnaam sẽn kõ-dã bɩ?
10 D sã n sõng neb nins sẽn tẽed tɩ bũmba fãa wa n bee woto tɩ pa tũ ne Naand sababã, tɩ b bãng tõnd sẽn tẽed Wẽnnaamã võore, wilgdame tɩ d sũur nooma ne Wẽnnaam sẽn naan-d tɩ d tõe n gomã. (Yɩɩn. 9:2; 1 Pɩy. 3:15) Neb nins sẽn tagsd tɩ Naand kae wã ratame tɩ tõnd tẽ tɩ tẽngã la bõn-vɩɩsã fãa wa n bee b toor woto bala. D tõe n tũnuga ne Biiblã la bũmb nins yell d sẽn gom sõs-kãngã pʋgẽ wã n gom n waoog d saasẽ Ba wã, la d sõng sẽn dat n kelg-bã tɩ b bãng bũmb nins sẽn kɩt tɩ d kɩs sɩd t’a Zeova n yaa saasã la tẽngã Naanda.—Yɩɩn. 102:26; Eza. 40:25, 26.
Yãmb kõta “mak-sõng no-goamã wɛɛngẽ” bɩ?
13 Zẽk-y y koɛɛg n yɩɩle. D sã n wa yɩɩnd Rĩungã yɩɩlã, sẽn yɩɩd fãa, yaa sẽn na yɩl n pẽg a Zeova. Saam-bi-poak a ye yʋʋr sẽn boond t’a Saara getame t’a pa mi yɩɩl ye. La a ratame n yɩɩl n pẽg a Zeova. Rẽ wã, a sã n wa segend tigissã, a pa yĩmd yɩɩlã me yell ye. A yɩɩndame n yɩlme, la a ges yɩɩlã gom-biisã ne bũmb nins b sẽn na n zãms tigsgã sasa wã sẽn tũud taab to-to. Ad a sẽn yeele: “Woto kɩtame tɩ m sã n wa yɩɩndẽ, yaa gom-biisã la m get n yɩɩda, la pa m sẽn yɩɩnd to-to wã ye.”
D bʋgs Wẽnnaam Gomdã zug neere
it-1 663
Nug-bila
Biiblã mi n yetame tɩ Wẽnnaam maana bũmb ne a nusã, bɩ ne a “nug-bilã.” Wala makre, b yeelame t’a gʋlsa Tõod piigã ne a nug-bilã kug-wals zutu (Yik. 31:18; Tõo. 9:10), t’a maana yel-soalmã (Yik. 8:18, 19), la t’a naana saasã (Yɩɩn. 8:3). Wẽnnaam nug-bilã bɩ a nusã a sẽn tall n naan bũmb toor-toorã makda a vʋʋsem sõngã, pa rẽ bɩ a pãngã. Sɩngr sebrã kibarã gomda rẽ yelle. B wilga be tɩ Wẽnnaam pãngã ra fugda koomã zugu. (Sɩng. 1:2) La Biiblã babg ning b sẽn da gʋls ne Gɛrkã sõngda tõnd tɩ d wʋm rẽ võor sõma. A Matiye kibarã pʋgẽ, a yeelame t’a Zeezi riga zĩn-dãmbã ne ‘Wẽnnaam vʋʋsem sõngã pãnga,’ t’a Luk yeel t’a maana woto ne “Wẽnnaam nug-bilã”.—Mat. 12:28; Luk 11:20, notã.
WAO-FUGDG RASEM 26–TƲƲLG RASEM A 3
D SẼN BÃNG BIIBLÃ KARENG PƲGẼ | YƖƖN-SÕAMYÃ 11–15
Mams-y y yamẽ tɩ y bee dũni-paalgã pʋgẽ, tɩ laafɩ beẽ
Yɩɩl Sõamyã sebrã pipi babg tags-kãsemse
11:3—Yaa yẽbg-bʋg n sãame? Yaa yẽbgr nins zut ãdem-biisã sẽn tik n yãkd b noyã, b siglgã, la b bʋ-kaoorã yɛlã. Bõn-kãensã sã n pa sigl sõma, wata ne zũnd-zãnde, tɩ tɩrlem kaẽ ye. Zũnd-zãnd woto pʋgẽ, “nin-tɩrg” fãa segd n teega Wẽnnaam zãng-zãnga.—Yɩɩn 11:4-7.
wp16.4 11
Nen-kɛglmã tõe n wa saa dũniyã gill zug bɩ?
Biiblã pʋgẽ, Wẽnnaam pʋlmame t’a na n kɩtame tɩ nen-kɛglmã sa ka la bilf dũniyã gill zugu. Dũni-wẽn-kãngã tar n dabda “wẽn-kɩɩsdbã bʋʋdã kaoob la b sãoongã daare.” (2 Pɩyɛɛr 3:5-7) Nin-wẽnsã pa na n tol n tõog n le nams b taabã ye. Bõe n kɩt tɩ d tõe n kɩs sɩd tɩ Wẽnnaam ratame tɩ nen-kɛglmã sa, la t’a na n sɩd kɩtame tɩ sa?
Biiblã yetame tɩ Wẽnnaam “kisa ned sẽn nong nen-kɛglem tʋʋma.” (Yɩɩn-sõamyã 11:5) D Naandã nonga laafɩ la tɩrlem. (Yɩɩn-sõamyã 33:5; 37:28) Rẽ n so t’a pa na n bas tɩ nen-kɛglmã kaoos wakat sẽn kõn sa ye.
Yãmb sakdame n maand sũ-mar bɩ?
15 Bõe yĩng t’a Davɩɩd sak n maan sũ-mar n gũ? Bũmb la a yeel Yɩɩn-sõamyã 13 pʋgẽ, tɩ leokd sokrã. A yeela a Zeova yaa: “Mam teega yãmb nonglmã, la mam kɩdemda yãmb fãagrã yĩnga. Mam na n yɩɩla Sẽn-Ka-Saab yĩnga, bala, b maana maam neere.” (Yɩɩn. 13:6) Tẽeg-y tɩ d ra zoe n yeelame tɩ yɩɩn-kãng pʋgẽ, a soka hal naoor a nu tɩ ‘hal tɩ ta dabʋre?’ A Davɩɩd ra miime t’a Zeova nong-a lame, la t’a pa na n wa bas n pa le nong yẽ ye. A tẽega a Zeova sẽn da zoe n maan bũmb nins n sõng-a wã. A leb n tagsa a Zeova sẽn na n wa fãag yẽ a zu-loeesã pʋgẽ wã, n da maand sũ-noog rẽ yĩnga. A bãngame t’a sã n maan sũ-mar n gũ, pa na n yɩ zaalem ye.
Rĩungã maasem yĩnga, Wẽnnaam daab na n maana tẽngã zugu
16 Bãan na n zĩndame: Gom-nood nins sẽn be Ezai 11:6-9 wã na n yaa n pidsa zãng-zãnga. Rapã, pagbã la kambã na n vɩɩmda ne bãane, baa b sẽn be zĩig ning fãa. Bõn-naandsã buud fãa, yaa ninsaalbã tɩ yaa rũmsã me, b pa na n le maan taab wẽng ye. Tags-y n ges-y tẽngã gill sẽn na n wa lebg wa yãmb zaka, tɩ y tõe n tɩ rug koom kʋɩlg ning y sẽn datẽ, kʋɩl-bõonesẽ la kʋɩl-kãsemsẽ, n tõe n gilg tãensẽ wã wa y sẽn date, la y tõe n saad moogẽ wã tɩ bũmb pa maand-y ye. Zĩig sã n sobge, rabeem pa tar-y ye. Ezekɩɛll 34:25 sẽn yet bũmb ningã na n pidsame, hal tɩ Wẽnnaam nin-buiidã tõe n “zĩnd wet pʋsẽ, n gãand tɩɩs tẽngr ne laafɩ.”
D bʋgs Wẽnnaam Gomdã zug neere
Yãmb basame tɩ Wẽnnaam tek-y bɩ?
12 Zu-bʋko, rũndã-rũndã nebã wʋsg tara yam-wẽng wa a Poll sẽn da gomd b rãmb yellã. B tagsdame tɩ Wẽnnaam noyã tũub pa le tar yõodo, la tɩ ned pa segd n modg a to t’a tũ no-kãens ye. Karen-saam-dãmb la roagdb wʋsg basda kambã tɩ b maand b yam. B yetame meng tɩ sõma ne wẽngã wɛɛngẽ, yaa ned kam fãa n segd n yãke. Baa neb sẽn yet tɩ b yaa wẽn-tũudb meng tagsdame tɩ pa tɩlae tɩ b tũ Wẽnnaam noyã ye. (Yɩɩl 14:1) Kiris-ned sã n pa yɩ gũusda, a tõe n wa rɩka nin-kãensã togs-n-taare, n pa le rat n tũ noy nins Wẽnnaam siglgã sẽn kõtã ye. A tõeeme meng n wa minim n yẽgemdẽ, wall a pa rat n sak n deeg sagls nins b sẽn kõt tõnd reemã la pemsmã kokr wɛɛngẽ, ẽntɛrnetã la karem n zãagã wɛɛngẽ wã ye.