Watchtower SƐB VAEESG ZĨIGA
Watchtower
SƐB VAEESG ZĨIGA
Moore
  • BIIBLE
  • SƐBA
  • TIGISSÃ
  • my kibar 107
  • B loba a Etɩɛn kug n kʋ

Video pa be zĩ-kãngã ye.

Video wã pa tõog n yi ye.

  • B loba a Etɩɛn kug n kʋ
  • Biiblã Kibay Sebre
  • Bũmb sẽn wõnd woto
  • A Etɩɛn “sẽn pid ne Wẽnnaam lohormã la a pãngã”
    D “kõ kaset sõma Wẽnnaam Rĩungã wɛɛngẽ”
  • Yãmb ra miime bɩ?
    Gũusg Gasgã moonda a Zeova Rĩungã (Zãmsgã rẽnda)—2018
  • 3 | Da le kisg-y ned y sũurẽ ye
    Gũusg Gasgã moonda a Zeova Rĩungã (Nebã fãa yĩnga)—2022
  • A Zeova pukda a ziirã sik-m-mens rãmbã
    Gũusg Gasgã moonda a Zeova Rĩungã​—⁠2004
Biiblã Kibay Sebre
my kibar 107
Neb sũy sẽn puug ne Etɩɛn tɩ b lobd-a kug t’a pʋʋsdẽ

KIBAR 107

B loba a Etɩɛn kug n kʋ

YÃMB sẽn ne rao ning sẽn yĩgã yʋʋr la a Etɩɛn. Yaa a Zezi karen-​biig sẽn sɩd sakd Wẽnnaam ne a sũur fãa. La ges-⁠y bũmb ning sẽn paam-⁠a masã! Rapã lobd-⁠a-⁠la ne kug-​bɛda. La bõe yĩng tɩ b kis a Etɩɛn hal n wa lobd-⁠a kug woto?

Wẽnnaam kɩtame t’a Etɩɛn maan yel-​soalma. La ra-​kãensã ra pa nong rẽ ye. B ra wẽeda no-​koɛɛm ne a Etɩɛn a sẽn zãmsd nebã bũmb ningã zugu. La Wẽnnaam kõo a Etɩɛn yam wʋsgo, t’a tõog n wilg vẽeneg tɩ ra-​kãensã pa togsd sɩd ye. Woto puuga rapã sũy n paase, tɩ b yõk a Etɩɛn la b bao neb n kɩt tɩ b rõd-⁠a.

Maan-​kʋʋdbã kãsmã soka a Etɩɛn yaa: ‘Nebã sẽn gomdã yaa sɩd bɩ?’ A Etɩɛn togsa bũmb ning sẽn be Biiblã pʋgẽ wã. Baasgẽ wã a yeelame tɩ pĩnd wẽndẽ wã me, nin-​wẽns n da kis a Zeova no-​rɛɛsdbã. A le yeela nebã woto: ‘Yãmb me wõnda nin-​kãensã. Yãmb kʋʋ Wẽnnaam tʋm-​tʋmd a Zezi, la yãmb pa tũud Wẽnnaam noyã ye.’

Tũudmã taoor dãmb sẽn wʋm dẽ wã, b sũyã puuga wʋsg hal tɩ b wãbd b yẽnã. La a Etɩɛn zẽka a neng n ges yĩngr n yeel yaa: ‘Ges-⁠y-​yã, mam nee a Zezi sẽn yas Wẽnnaam dɩtgo.’ Rapã sẽn wʋm dẽ n paasã, b yẽda b tʋbã, la b naag taab n yõk-⁠a n veo n yiis tẽngã kɩrenga.

B sẽn ta be wã, b yeesa b futã n kɩs bi-​bɩɩg a Soll t’a gũ. Yãmb pa ne a Soll fotã zug sɩda? Dẽ poore, rapã sɩngame n lobd a Etɩɛn kuga. A Etɩɛn yĩgimdame n pʋʋs Wẽnnaam n yeel yaa: ‘Zeova, da sɩbg-⁠b yel-​kãngã yĩng ye.’ A Etɩɛn da miime tɩ yaa tũudmã taoor dãmb sẽn da belg nebã yĩng la kẽer sẽn sak n lobd yẽ kugã. A sẽn pʋʋs n sa wã, a kiime.

Ned sã n maan yãmb wẽngã, yãmb maanda a soabã n lebs bɩ? Yãmb kota Wẽnnaam t’a sɩbg-⁠a bɩ? A Etɩɛn ne a Zezi pa maan woto ye. B ra nonga neb nins sẽn pa nong-​bã menga. Bɩ d modg n maan wa bãmba.

Tʋʋma 6:​8-⁠15; 7:​1-⁠60.

Sogsg zãmsgã yĩnga

    Moorã Sɛba (1991-2025)
    Pag-y
    Pak-y
    • Moore
    • Toole
    • Y sẽn date
    • Copyright © 2025 Watch Tower Bible and Tract Society of Pennsylvania
    • Y sẽn segd n sake
    • Noy d sẽn tũudi
    • Paramètres de confidentialité
    • JW.ORG
    • Pak-y
    Toole