Ãnda n naan yãmba?

1 Wẽnnaam maana saasã la tẽngã.—Sɩngre 1:1

2 Wẽnnaam tara yʋʋre. A yʋʋrã yaa a Zeova.—Yɩɩl Sõamyã 83:18

A Zeova vɩɩ yĩngri. A yaa sɩɩga. Yãmb pa tõe n yã-a ye.—Ezai 66:1; Zã 1:18; 4:24

3 A Zeova maana malɛɛk rãmb wʋsg yĩnri. Bãmb me yaa sɩɩse. Bãmb fãa da yaa sõama. Pĩnda, b mi n dɩka ninsaal wẽneg wakat ninga, sẽn na yɩl n tɩ nebã tõog n yã-ba.—Hebre dãmba 1:7

4 A Zeova maana rũmsi, hal tɩ kaoos wʋsgo, t’a yaool meng n na n maan ninsaala.—Sɩngre 1:25

5 A Zeova leb n maana raoa, sẽn boond t’a Ãdem la a pag sẽn boond t’a Hawa.—Sɩngre 1:27

Wẽnnaam ninga bãmb zẽed sẽn yaa neer wʋsg pʋgẽ bɩ arzãn pʋgẽ. A pa maan sẽn yɩɩd pag a yembr n kõ a Ãdem ye. Rao wã da segd n vɩɩnda ne a pʋg yendã bala.—Sɩngre 2:8, 21, 22, 24

6 Ninsaal yaa sɩɩga.—Sɩngre 2:7

7 Rũmsã yaa sɩɩse.—Sɩngre 1:24