Wẽnnaam sãamda dũni wẽnga

18 A Ãdem yagensã sõor lebga wʋsgo, la wẽns wʋsg me. Dẽnd Wẽnnaam dɩka sardo, n na n sãam-ba.—Sɩngre 6:1, 5, 7

19 La rẽ fãa, nin-sõng a yembr n da be, sẽn da boond t’a Nowe.—Sɩngre 6:8, 9

A Zeova Wẽnnaam yeela yẽ t’a maan koom kogl-kãsenga, yẽ la a zaka rãmb sẽn na n tõog n kẽ n põse, b sã n wa na n sãam nin-wẽnsã wakate. Koom koglg kãnga da wẽnda raad koglg kãsenga. B ra boond-a lame tɩ koglgo.—Sɩngre 6:13, 14

20 B kẽesa rũms wʋsg koglgã pʋgẽ.—Sɩngre 6:19-21

21 A Zeova kɩtame tɩ sa-kãseng ni tẽngã zugu. Nin-wẽnsa fãa kiime. B rãmb nins sẽn da be koglga pʋgẽ wã paama fãagre. Yãmb mii sẽn yaa bũmb ning bɩ?—Sɩngre 6:17; 7:11, 12, 21; 1 Pɩɛɛr 3:10-12