Wẽnnaam na n leb n sãama nin-wẽnsã bɩ?

22 Rũnda-rũndã nebã me yaa wẽns hal wʋsgo. Bũmb sẽn yaa wẽns bʋs la b maanda?

23 Neb kẽer n be n kʋʋd neb a taaba. Wẽnnaam gɩdga kʋʋbo.—Yikri 20:13; 1 Zã 3:11, 12

24 Neb kẽer n be n zuuda. Wẽnnaam gɩdga zuubu.—Yikri 20:15; Efɛɛz rãmba 4:28

25 Roap n be n kẽed kãadem ne pagb wʋsgo. Kẽer n be n vɩ ne pagb a yiibu, bɩ sẽn yɩɩd woto rot toɛ-toɛ pʋsẽ. Roap la pagb vɩɩ ne taab n yaool n pa maan kãadem ye. Woto fãa yaa lebend ne Biiblã sẽn yetã.—Matɩe 19:4-6; 1 Korẽnt dãmba 7:1-4; 1 Tɩmote 3:1, 2

26 Yãmb tẽrame tɩ Wẽnnaam pa kõ a Ãdem tɩ yɩɩg pag a yembr bɩ?—Sɩngre 2:22, 24

27 Neb kẽer n be n balemd bõn-naandse. La Wẽnnaam gɩdga bõn-naands bɩ nin-naands tallg tũudũm pʋgẽ.—Yikri 20:4, 5; Ezai 44:9-17; 1 Zã 5:21

28 A Zeova na n sãama nin-wẽns nins sẽn pa rat n tekã.—Yɩɩl Sõamyã 37:9, 10; Luk 13:5; 1 Korẽnt dãmba 6:9, 10