Bõe la yãmb segd n maane?

50 Yãmb tʋllame n vɩɩnd wakat sẽn kõn sa arzãn neer kãnga pʋgẽ bɩ?

Sã n yaa woto, yãmb segd n zãms n bãnga Wẽnnaam sẽn yet bũmb ningã n paase. Mak-y Biiblã kareng zãmsg n gese.—Zã 17:3; Wilgri 1:3

51 Zãms-y n bãng-y bũmb nins sã n yaa sẽn zems ne a Zezi n paase.—Tõodo 18:18, 19; Zã 3:16; Tʋʋma 3:19-23

52 Modg-y meng tɩ y sẽn maand bũmb nins fãa yaa sõama, la y sak a Zeova.—Rom dãmb 6:17, 18, 22

53 Tẽeg-y yã! A Zeova yetame tɩ tõnd pa segd n kʋ ned ye.—Yikri 20:13; 1 Zã 3:11, 12

54 Tõnd pa segd n dɩk ned a to bũmb ye.—Yikri 20:15; Efɛɛz rãmba 4:28

55 Rao pa segd n vɩɩnd bɩ a gãand ne pag a to tɩ sã n pa yẽnda paga ye.—Yikri 20:14, 17; 1 Tesalonik rãmba 4:3

56 Yãmb tẽra pagb sõor Wẽnnaam sẽn kõ rao sor t’a zĩnd ne wã bɩ? Wakat a wãn pʋgẽ la rao segd n zĩnd ne a paga?—Sɩngre 2:22, 24; Matɩe 19:5, 6; 1 Korẽnt dãmba 7:2, 10, 11

57 D tẽeg me, tɩ tõnd segd n balma a Zeova a yembr bala.—Matɩe 4:10; 1 Korẽnt dãmba 8:6

58 Bõn-naands la nin-naandsã pa tõe n sõng tõnd ye. Bõe yĩnga?—1 Korẽnt dãmba 8:4

Bõn-naandsã tallg yaa sõama bɩ?—Tõodo 27:15; 1 Zã 5:21

59 Bõe yĩng tɩ tɩ-lebsã tarem la tɩ-zʋɩyã maaneg yaa wẽnga?—Tõodo 18:10-13; Wilgri 21:8

60 Zĩn-dãmba bɩ malɛɛk wẽnsã tõdga Wẽnnaam. Bãmb tũnugda gɛtbã sẽn na yɩl n tudg nebã.—Tʋʋma 16:16

61 Tõnd segd n pʋʋsa Wẽnnaam. Woto rat n yelame tɩ d gom ne Wẽnnaam, n yeel-a tɩ tõnd datame n sõgen-a, la d kos-a sõngre.—Filip rãmba 4:6, 7

62 Tõnd segd n saka a Zezi, la d tẽ-yẽ.—Hebre dãmba 5:9; Zã 3:16

63 Da yĩm-y t’a kiime n na n fãag tõnd ye.—Rom dãmb 5:8

64Tags-y t’a Zezi yaa tõnd Rĩm d sẽn pa ne. Tõnd segd n sak-a lame.—Filip rãmba 2:9-11; Wilgri 19:16

65 A Zezi yeelame tɩ tõnd segd n maaname tɩ neb a taab bãng bõn-sõama nins tõnd sẽn zãmsdã, la tɩ neb nins sẽn tʋlga n sõgen Wẽnnaam, segd n paama lisgu.—Matɩe 28:19, 20; Zã 4:7-15

66 Dẽnd yãmb tõeeme n gom-a ne y zo-rãmbã.—Matɩe 10:32

67 Yãmb sã n zãms sebr karengo, y na n tõogame n bãng bũmb a taab wʋsgo, la y tõog n sõng neb a taab sõama.—2 Tɩmote 2:15

68 A Zezi zãmsa kom-bõonegã tɩ b sak Wẽnnaam. A ra pa tol n kong sẽk sẽn na n gom ne-b abada.—Matɩe 19:13-15

69 Roagdbã segda wakat fãa n zãms b kambã, tɩ b sak Wẽnnaam la b nong-a.—Tõodo 6:6, 7; Yelbũna 6:20-22; Efɛɛz rãmba 6:4

70 Tũudũm wʋsg beeme. B sẽn zãmsd bũmb ninsã wã, wʋsg pa yit Biiblã pʋgẽ ye. A Zeova yeta tõnd tɩ d bas tũudũm nins sẽn pa zãmsd sɩdã.—Wilgri 18:4; Zã 4:23, 24

71 A Zeova tara sõgen dãmb tẽng zug sẽn tõe n zãms yãmb bũmb a taab sẽn zems ne yẽ sẽn yaa soabã wʋsg yɛsa. Yãmb mii sõgen kãensã sẽn yaa b rãmb sɩda?—Tʋʋma 15:14; Rom dãmba 10:14, 15

72 Yaa a Zeova Kaset rãmba. Laafɩ bee bãmb sʋka. Yãmb mii sẽn yaa bũmb ning bɩ? Bala b nonga taaba.—Ezai 43:10-12; Zã 13:34, 35

73 Bãmb sẽn nong a Zeova wã me yĩnga, b paama lisgu. Yaa woto, la b wilgd zãma wã taoore, tɩ b basa b sẽn da vɩ to-to sẽn yaa wẽnga, la b ratame n sõgen Wẽnnaam tɩ ta b vɩɩmã tɛka.—Tʋʋma 2:41

74 A Zeova Kaset rãmba saagdame n na n vɩɩnd arzãn sẽn yaa neere la paalg pʋgẽ.—Yɩɩl Sõamyã 37:9-11, 29

Bõe la yãmb tõe n maane, n wa vɩɩnd zĩ-kãng ne bãmb me?—Zak 1:22, 25; 2:20-26

75 Lagem-y ne bãmba, n zãms a Zeova sõgenego. B nonga a Zeova la a Zezi Kirista, la b sakd-b lame. Yãmb nonga Wẽnnaam la a Zezi bɩ? Yãmb datame n sõng neb a taab tɩ b bãng Wẽnnaam bɩ?—Zã 6:45-47

76 A Zeova la a Zezi Kirista nonga yãmba, la b tʋllame tɩ y vɩɩnd wakat sẽn kõn sa arzãna pʋgẽ.—Zã 3:16

Yãmb sẽn zãms bũmb ning ne seb-bil kãngã fotã la goam nins sẽn tũud-bã sɩd kõo yãmb tʋlsem tɩ y rat n vɩɩnd wakat sẽn kõn sa ne sũ-noog tẽngã zugu. Yãmb datame n bãng-a n paas sã n yaa ne sẽn zems saagr kãnga wã bɩ? Wakat kãnga, gom-y ne a Zeova Kaset rãmba a yembre, zĩig ninga y sẽn be wã. Yãmb leb n tõeeme n gʋlse, bɩ y kos tɩ ned a to gʋls tʋʋm-doog ning sẽn pẽ yãmb sẽn be zĩig ninga n kõ-yã. Ges-y adɛɛrs rãmba sebr sẽn be seb-bilã seb-vã-neng a yiibã zugu.