D bʋd Rĩungã bõn-buudu

1. Wẽnnaam tʋm-tʋmdba, bɩ yãmb fãa wa,

yãmb sẽn tũud-a ne y sũy fãa wã.

Bɩ y wa tʋm tõnd Zu-soabã tʋʋmdã.

Maan-y wa yẽnda sẽn maanã.

Bɩ y moon Wẽnd koɛɛgã la y gom ne raoodo,

tɩ pʋ-peelem dãmbã wʋme.

Yãmb sã n wɩng ne tʋʋm-kãngã,

zĩ-sõngã na n woma biis tɩ Wẽnnaam paam pẽgre.

2. Bõn-buudã na n sãeega zĩigã fãa,

tɩ kẽer lʋɩ tom sẽn ka waoogẽ.

Baa ne kẽer sẽn na n kelg bilfã,

y mikdame tɩ b pa rat ye.

Gõosã sã n wa yik n lim bõn-buudã,

pa na n wom biis baa bilf ye.

La kẽer na n lʋɩya zĩ-sõngẽ n wom biisi,

tɩ y paam neb sẽn na n wa tũ Wẽnnaam.

3. Yãmb tʋʋmdã na wom bɩ kõn womã,

bee ne y tʋʋmdã sõmblemã me.

Yãmb sã n maag y meng la y nong nebã,

tõe n kɩtame tɩ b wa sake.

Yãmb sã n sɩd gũusi, la y gomd ne bʋgsem,

y na n tõog n sõng-b lame.

Woto, yaa ne sũ-noog la yãmb na n paame,

tɩ kẽer wom pis-tã bɩ sẽn yɩɩd rẽ.