Yɩɩll 100
Tõnd yaa a Zeova tãb-biisi!
(Zoɛll 2:7)
1. Tõnd yaa a Zeova tãb-biisi,
tõnd kɩɩsda a Sʋɩtãan.
Tõnd moonda Wẽnnaam Rĩungã.
A Zezi la rĩmã.
Tõnd sẽn tũud a Zeova wã
yaa ne yamleoogo.
Tõnd moonda ne raoodo,
tõnd pa zoet rabeem!
(REESGO)
Tõnd yaa a Zeova tãb-biisi.
Tõnd bee Krist poorẽ,
n moond ne sũ-noogo,
tɩ Wẽnd rɩta naam.
2. Tõnd yaa a Zeova meng neba.
Tõnd baooda a piisã,
yaa neb nins fãa sẽn wõosdã,
la sẽn dat-b sõngrã.
Tõnd kẽnda nin-kãens nengẽ,
n dat n sõng-ba.
Tõnd boonda bãmb daar fãa
tõnd Rĩungã roogẽ.
(REESGO)
Tõnd yaa a Zeova tãb-biisi.
Tõnd bee Krist poorẽ,
n moond ne sũ-noogo,
tɩ Wẽnd rɩta naam.
3. Tõnd la a Zeova tãb-biisã,
sẽn tũud Krist noorã.
Tõnd boba Wẽnd zab-teedo,
n na n zab ne raoodo.
Bɩ d maan gũuseg wakat fãa,
la d wɩng ne zabrã.
Toog la namseg sasa,
bɩ d sak a Zeova.
(REESGO)
Tõnd yaa a Zeova tãb-biisi.
Tõnd bee Krist poorẽ,
n moond ne sũ-noogo,
tɩ Wẽnd rɩta naam.