YƖƖLL 71
Tõnd yaa a Zeova tãb-biisi!
1. Tõnd yaa a Zeova tãb-biisi.
Kris la d taoor soaba.
Sʋɩtãanã namsda tõndo,
la d kõn leb poorẽ ye.
D sakda Wẽnnaam daar fãa,
n moond koe-noogã.
Tõnd na n talla raoodo.
Tõnd kõn zoe rabeem.
(REESGO)
Tõnd yaa a Zeova tãb-biisi.
Tõnd bee Kris poorẽ,
n moond ne sũ-noogo:
“Wẽnnaam rɩta naam.”
2. Tõnd yaa a Zeova tʋm-tʋmdba.
Tõnd baooda a nebã.
Neb nins fãa sũy sẽn sãame,
tɩ b rat n bãng Wẽnnaam.
Tõnd kẽnda nin-kãens nengẽ,
n dat n sõng-ba.
Tõnd boonda bãmb daar fãa
tõnd Rĩungã roogẽ.
(REESGO)
Tõnd yaa a Zeova tãb-biisi.
Tõnd bee Kris poorẽ,
n moond ne sũ-noogo:
“Wẽnnaam rɩta naam.”
3. Tõnd la a Zeova tãb-biisã.
sẽn tũud Kris noorã.
Tõnd boba d zab-teedã fãa,
n na n zab ne raoodo.
Bɩ d maan gũuseg wakat fãa,
n tʋmd tʋʋm-sõma.
Toog la namseg sasa,
bɩ d sak a Zeova.
(REESGO)
Tõnd yaa a Zeova tãb-biisi.
Tõnd bee Kris poorẽ,
n moond ne sũ-noogo:
“Wẽnnaam rɩta naam.”
(Ges-y Efɛ. 6:11, 14; Fili. 1:7; Fɩl. 2.)