BABG A 9
Wakat bʋg la tẽngã na n lebg arzãna?
Yɛlã wilgdame tɩ ka la bilfu, Wẽnd Rĩungã na n kẽesa a toogo. Luk 21:10, 11; 2 Tɩmote 3:1-5
Biiblã ra pĩnd n togsa yɛl tɩ pidsd rũndã-rũndã. A yeelame tɩ nebã na n yɩɩ ligd-nongdba, ba-rãmb la ma-rãmb kɩɩsdba, pʋto-rãmb la neb sẽn nong dũniyã sũ-noogo.
A yeelame me tɩ tẽn-digimdg kãsemse, zaba, kom la bã-longds na n zĩndame. Woto fãa bee rũndã-rũndã.
A Zezi yeelame me tɩ b na n moona Wẽnnaam soolem koe-noogã dũniyã gill zugu.—Matɩe 24:14.
Wẽnnaam Rĩungã na n kɩtame tɩ wẽnem buud fãa sa. 2 Pɩɛɛr 3:13
Ka la bilfu, a Zeova na n sãama nin-wẽnsã fãa.
B na n sɩbga a Sʋɩtãan ne zĩn-dãmbã.
Sẽn kelgd-b Wẽndã na n põsame n vɩɩmd dũni-paalg sẽn pid ne tɩrlem pʋgẽ, tɩ rabeem le kae, tɩ nebã nong taab la b bas yard ne taaba.