Dũniyã bee ãnd soab nugẽ?

BIIBLÃ SẼN YETE

“Dũniyã tõr bee wẽng soabã nugẽ.”—1 Zã 5:19.

‘Wẽnnaam Bi-riblã wa n na n sãama Sʋɩtãanã tʋʋmã.’—1 Zã 3:8.

RẼ SẼN TÕE N NAF-Y TO-TO

Na n sõng-y lame tɩ y wʋm dũniyã sẽn pid ne zu-loeesã võore.—Vẽnegre 12:12.

Kɩtdame tɩ y tõe n tẽ tɩ yɛlã na n toeema dũniyã zugu.—1 Zã 2:17.

D TÕE N TẼE BIIBLÃ SẼN YETÃ BƖ?

N-ye. Ad bʋʋm a tãabo:

• A Sʋɩtãan naamã na n talla tɛka. A Zeova na n kɩtame t’a Sʋɩtãan da le soog ãdem-biisã ye. A pʋlmame t’a na n kɩtame tɩ “Sʋɩtãanã lebg zaalem,” la t’a na n manega bũmb nins fãa a Sʋɩtãan sẽn sãamã.—Ebre-rãmbã 2:14.

• Wẽnnaam yãka a Zeezi t’a na n yɩ dũniyã naaba. A Zeezi yaa toor fasɩ ne dũni-kãngã naab a Sʋɩtãan sẽn dɩt a naamã ne toom la a pa rat ned neerã. Wẽnnaam wilga a Zeezi naamã sẽn na n yɩ to-to wã n yeel yaa: “A na n zoee nimbãan-ned la naong soab nimbãanega. . . . A na n fãag-b-la neb nins sẽn weoogd-bã, la nen-kɛglem dãmbã nusẽ.”—Yɩɩn-sõamyã 72:13, 14.

• Wẽnnaam pa yagd ye. Biiblã yeela vẽeneg tɩ “Wẽnnaam pa tõe n yag ziri” ye. (Ebre-rãmbã 6:18) A Zeova sã n pʋlem t’a na n maana bũmbu, baa fʋɩ pa tõe n gɩdg tɩ bõn-kãng pa pids ye. (Ezayi 55: 10, 11) Biiblã yeelame me tɩ b “na n diga dũni-kãngã naabã n yiisi.”—Zã 12:31.