Namsgã na n wa saame bɩ?

BIIBLÃ SẼN YETE

“Wẽnnaam na n yẽesa nintãm fãa ninsaalbã ninẽ, la kũum pa na n le zĩndi, sũ-sãanga, yãbr wall toog pa na n le zĩnd ye.”—Vẽnegre 21:4.

RẼ SẼN TÕE N NAF-Y TO-TO

Y na n bãngame tɩ pa Wẽnnaam n namsd ãdem-biisã ye.—Zak 1:13.

Y na n basa y yam tɩ ãdem-biisã sẽn namsdã pa noom Wẽnnaam ye.—Zakari 2:8.

Y na n kɩsa sɩd tɩ namsg buud fãa na n wa saame.—Yɩɩn-sõamyã 37:9-11.

D TÕE N TẼE BIIBLÃ SẼN YETÃ BƖ?

N-ye. Ad bʋʋm a yiibu:

• Wẽnnaam kisa namsg la wẽgb buud fãa. Bãng-y tɩ pĩnd wẽndẽ, b sẽn da wa n namsd a Zeova nin-buiidã ne toolmã, sãama a sũuri. Biiblã goma rẽ yell n yeel t’a “Zeova ra zoeta b nimbãanega.”—Bʋ-kaoodbã 2:18.

  Wẽnnaam kisa ned sẽn namsd a to. Wala makre, Biiblã yeelame t’a kisa “nus sẽn daagd bʋʋm dãmb zɩɩm.”—Yel-bũnã 6:16, 17.

• Wẽnnaam geta tõnd ned kam fãa yelle. Ned fãa mii “yel-beed ning sẽn paam-a la toog ning sẽn be ne-a” la a Zeova me miime.—2 Kibayã 6:29, 30.

  Ka la bilfu, a Zeova na n tũnuga ne a Rĩungã n kɩt tɩ ãdem-biig baa a ye da le nams ye. (Matiye 6:9, 10) La nand tɩ wakat kãng ta, a belsda neb nins fãa sẽn baood-a ne pʋ-peelmã.—Tʋʋma 17:27; 2 Korẽnt rãmbã 1:3, 4.