Yɩɩll 142
D taasda nebã buud fãa koɛɛgã
Wẽnnaam a Zeova pa baked ned ye.
Tõnd me rɩkda yẽ togs-n-taar daar fãa.
A ratam tɩ neb buud fãa paam fãagre.
Sẽn dat-a soab fãa tõe n paama a zoodo
(REESGO)
Pa f sẽn yitẽ la d geta.
Pa f nengã me la d geta.
Tõnd taasda koe-noogã nebã buud fãa.
Tõnd sẽn dat n sõng nebã,
d moonda koɛɛgã n yetẽ
tɩ ned buud fãa tõe n sɩd yɩɩ Wẽnnaam zoa.
Sẽn yaa zĩig ning fãa la d tɩ yã neda,
baa wõnd a pa na n keleg koe-noogã,
d sẽn mi tɩ Wẽnnaam geta sũurã,
tõnd moondame, n pa tũusd ned ye.
(REESGO)
Pa f sẽn yitẽ la d geta.
Pa f nengã me la d geta.
Tõnd taasda koe-noogã nebã buud fãa.
Tõnd sẽn dat n sõng nebã,
d moonda koɛɛgã n yetẽ
tɩ ned buud fãa tõe n sɩd yɩɩ Wẽnnaam zoa.
Ned sã n yãk yam n na n bas dũni wã,
n wa tũ a Zeova, noom-a-la wʋsgo.
Yaa tõnd sẽn zãms Biiblã yĩng la d bãng rẽ,
n dat n moon tɩ ned buud fãa bãnge.
(REESGO)
Pa f sẽn yitẽ la d geta.
Pa f nengã me la d geta.
Tõnd taasda koe-noogã nebã buud fãa.
Tõnd sẽn dat n sõng nebã,
d moonda koɛɛgã n yetẽ
tɩ ned buud fãa tõe n sɩd yɩɩ Wẽnnaam zoa.
(Ges-y Zã 12:32; Tʋʋ. 10:34; 1 Tɩm. 4:10; Tit 2:11.)