Babg a 9 wã sɩngr-goama

Bab-kãngã pʋgẽ, b gomda kom-bɩɩse, no-rɛɛsdba, la rĩm-dãmb yelle. B fãa wilgame tɩ b tẽebã tara pãnga. Siiri tẽngã pʋgẽ, bi-bilf n da be be. Yaa Israyɛll bi-pugl sẽn da kɩs sɩd t’a Zeova no-rɛɛsã tõe n sãooga a Naama. No-rɛɛs a Eliize ra kɩsa sɩd zãng t’a Zeova na n sõnga yẽ tɩ bɛɛbã ra kʋ-a ye. Maan-kʋʋdb kãsem a Yewoyada gẽnega a yõor n sõng a Zowas sẽn da yaa biigã, t’a yaab-poak a Atali pa paam-a n kʋ ye. Rĩm a Ezekɩyaas teega a Zeova sẽn na yɩl t’a fãag Zerizalɛm nebã. Rẽ kɩtame t’a pa sak n maan Asiiri nebã sẽn da ratã ye. Rĩm a Zoziyas kɩtame tɩ nebã bas bõn-naandsã pʋʋsgo. A manega wẽnd-doogã me, la a sõng nebã tɩ b le sɩng a Zeova tũubu.