Kiris-ned rɩkda a meng n kõ Wẽnnaam

1. Tõnd Ba a Zeova naana tẽngã,

saasã la bũmba fãa.

Yaa yẽ la bũmba fãa soaala.

Fãa yaa yẽ nug-tʋʋma.

A naana bõn-vɩɩsã buud fãa,

n kõ-b vʋʋsem la vɩɩm.

Wã fãa yaa kaset tɩ yaa

yẽ bal la tõnd fãa tog n pʋʋse.

2. A Zeezi meng reega lisgu,

n kõ tõnd mak-sõngo.

A pʋʋsa Wẽnnaam n yeel-a,

t’a na n maana a raabã.

A sẽn yi Zʋrdẽ koomẽ wã,

n paam vʋʋsem sõngã,

a pʋʋsa ne a sũurã fãa n yeele:

‘M Ba bɩ f raabã maane.’

3. Tõnd wata fo taoore Zeova,

n na n pẽg fo yʋʋrã.

Tõnd rɩka tõnd mensã n kõ foo,

n na n maan fo raabã.

Fo kõo tõnd fo meng Bi-yendã,

t’a yɩ maoong tõnd yĩnga.

Tõnd pa vɩ tõnd mensã yĩng yɛs ye.

Masã tõnd vɩɩ fo yĩnga.