Y sẽn tõe n tall Vɩɩmd-y wakat sẽn kõn sa! sebrã n zãms nebã Biiblã to-to

Nand tɩ y sɩng zãmsgã

1. 

   1. Segl-y y meng sõma. Y sã n wa segend y meng zãmsgã yĩnga, bɩ y tags Biibl karen-biigã yɛl sẽn yaa to-to wã, la a sẽn tẽed bũmb ninsã yelle. Tags-y bũmb nins võor wʋmb sẽn tõe n yɩ toog ne-a, bɩ tũub sẽn tõe n yɩ toogã yelle. Tags-y n ges-y bũmb nins sẽn be zĩig ning b sẽn gʋls tɩ “Bũmb a taaba” sẽn tõe n sõng-a to-to, la y tall rẽ n sõng-a zãmsgã sasa, sã n wa yaa tɩlɛ.

Zãmsgã sasa

1. 2. Karen-biigã sã n sake, bɩ y sɩng zãmsgã ne pʋʋsgo, la y baas ne pʋʋsgo.

2. 

   3. Gũus-y n da gomd-y wʋsg ye. Sõs-y bũmb nins sẽn be sebrã pʋgẽ wã zugu, la y basdẽ t’a togsd a tagsgo.

3. 4. Y sã n wa na n sɩng sebrã babg a to zãmsgo, karm-y bab-kãng sẽn gomd bũmb ning yellã, la y gom gom-zut a wãn sẽn be be yell ne-a.

4. 5. Y sã n wa na n baas sebrã babga, sõs-y babgã lebg-n-gesã zug ne karen-biigã, tɩ sõng-a t’a sẽn zãms bũmb ningã pa a yamẽ.

5. 6. Y sã n wa zãmsd sak fãa ne y karen-biigã:

   1. a. Karm-y sakã pipi babgã sulã.

   2. b. Karm-y vɛrse nins fãa b sẽn yeel tɩ “Karm-y” wã.

   3. d. Karm-y vɛrse a taab me, sã n yaa tɩlɛ.

   4. 

      e. Ges-y video nins fãa b sẽn yeel tɩ “Ges-y” wã (y sã n tõe n paam-b lame).

   5. f. Sok-y karen-biigã sogsgã fãa.

   6. g. Wilg-y karen-biigã imaaz-rãmbã sẽn be zĩig ning b sẽn gʋls tɩ “D bao n bãng n paase,” la y kos-a t’a wilg b võore.

   7. h. Tũnug-y ne zĩig ning b sẽn gʋls tɩ “M sẽn tõe n maane” n sõng karen-biigã t’a paas yẽ ne a Zeova zoodã pãnga. Y tõe n yeel-a lame t’a maan b sẽn yeel bũmb ning beenẽ wã, la a yãk bũmb a to me a sẽn dat n wa maane, wall a maan a yiibã fãa.

   8. i. Kos-y karen-biigã t’a togs-y “Bũmb a taaba” zĩigẽ video wall sõsg sẽn yɩ-a noogo, a sẽn wa n segend zãmsgã.

   9. k. Zãmsg fãa sasa bɩ y modg n baas sakã fãa.

Zãmsgã poore

1. 

   7. Ket-y n tagsd-y y karen-biigã yelle. Kos-y-yã a Zeova t’a ning y karen-biigã modgrã barka, la a kõ-y yam tɩ y bãng n sõng-a.