Watchtower SƐB VAEESG ZĨIGA
Watchtower
SƐB VAEESG ZĨIGA
Moore
  • BIIBLE
  • SƐBA
  • TIGISSÃ
  • w09 3/1 s.n. 5
  • Wẽnnaam bee zĩig fãa bɩ?

Video pa be zĩ-kãngã ye.

Video wã pa tõog n yi ye.

  • Wẽnnaam bee zĩig fãa bɩ?
  • Gũusg Gasgã moonda a Zeova Rĩungã​—⁠2009
  • Bũmb sẽn wõnd woto
  • Wẽnnaam bee zĩig fãa bɩ?
    Sogsg Biiblã sẽn leokde
  • Bõe la Biiblã yet Wẽnnaam la Kiristã zugu?
    Gũusg Gasgã moonda a Zeova Rĩungã (Nebã fãa yĩnga)—2020
  • ‘Biigã rat n vẽnega nebã tɩ b bãng Ba wã’
    Gũusg Gasgã moonda a Zeova Rĩungã—2012
Gũusg Gasgã moonda a Zeova Rĩungã​—⁠2009
w09 3/1 s.n. 5

Wẽnnaam bee zĩig fãa bɩ?

Nebã sẽn yete:

◼ “A bee zĩig fãa. A yaa wa sebgo.”

◼ “Yaa yam sẽn pa tõe n bãng n bilgi. Yaa pãng nebã nif sẽn pa tõe n yã.”

A Zezi yeelame tɩ bõe?

◼ “Rot wʋsg bee m Ba yiri.” (Zã 14:2) A Zezi ra rat n wilgame tɩ Wẽnnaam tara zĩig takɩ a sẽn beẽ.

◼ “Mam yii m Ba nengẽ n wa dũniyã pʋga. La masã mam na n basa dũniyã n leb n kẽng m Ba nengẽ.” (Zã 16:28) A Zezi goamã wilgdame tɩ Wẽnnaam tara zĩig takɩ a sẽn beẽ, a bee saasẽ.

A ZEZI zɩ n yeel tɩ Wẽnnaam yaa pãng buud nebã nif sẽn pa tõe n yã ye. A pʋd n pʋʋsa Wẽnnaam n gom ne-a. Naoor wʋsgo, a boola a Zeova t’a saasẽ Ba, tɩ wilgdẽ t’a mi-a-la sõma.—Zã 8:19, 38, 54.

Yaa sɩd tɩ “ned nan ka yã Wẽnnaam abada,” sẽn paase “Wẽnnaam yaa sɩɩga.” (Zã 1:18; 4:24) La woto pa rat n yeel t’a pa tar yĩng ye. Biiblã yeta woto: “Dũniyã yĩng sẽn be wã sɩɩg yĩng me n be.” (1 Korẽnt dãmba 15:44) A Zeova tara sɩɩg yĩnga, sẽn dat n yeel tɩ yĩng sẽn pa tõe n yã ne nif bɩ?

N-ye. A Zezi vʋʋgrã poore, a “kẽe [saasẽ] menga n yas Wẽnnaam taoor masã tõnd yĩnga.” (Hebre dãmba 9:24) Woto wilgda tõnd bũmb a yiib Wẽnnaam zugu: Pipi, a tara zĩig takɩ a sẽn beẽ. Yiib-n-soaba, a pa pãng buud sẽn be zĩig fãa, bɩ wa sebg sẽn fugd zĩig fãa ye.

Wẽnnaam sẽn be zĩ-yendã, a yɩta wãn n tõogd n get bũmba fãa yelle? Wẽnnaam tõe n tʋma a vʋʋsem sõngã zĩig ning fãa a sẽn date. Wala ba sẽn tõe n tẽeg a nug n gãd a biig n bels-a wã, Wẽnnaam me tõe n tʋma a vʋʋsem sõngã t’a tɩ pids a raabã.—Yɩɩl Sõamyã 104:30; 139:7.

Wẽnnaam tara a sẽn nong ne a sẽn pa nonge. Biiblã wilgdame t’a nonga a nin-buiidã, a sũur nooma ne a tʋʋmã, a kisa bõn-naands pʋʋsgo, la a sũur pa noom ne wẽng ye. (Sɩngre 6:6; Tõodo 16:22; 1 Rĩm dãmba 10:9; Yɩɩl Sõamyã 104:31) Biiblã yetame tɩ Wẽnnaam yaa sũ-noog soaba. Dẽnd a Zezi bee bʋʋm la a sẽn yeel tɩ d segd n nonga Wẽnnaam ne d sũy fãa wã.—Mark 12:30.a

[Tẽngr note]

a Y sã n dat kibay n paase, bɩ y ges Biiblã sɩd yetame tɩ bõe? sebrã pipi sakã pʋgẽ. A Zeova Kaset rãmbã n yiis seb-kãngã.

[Foto, seb-neng a 5]

Wala ba sẽn tõe n tẽeg a nug n gãd a biig n bels-a wã, Wẽnnaam me tõe n tʋma a vʋʋsem sõngã t’a tɩ pids a raabã

    Moorã Sɛba (1991-2025)
    Pag-y
    Pak-y
    • Moore
    • Toole
    • Y sẽn date
    • Copyright © 2025 Watch Tower Bible and Tract Society of Pennsylvania
    • Y sẽn segd n sake
    • Noy d sẽn tũudi
    • Paramètres de confidentialité
    • JW.ORG
    • Pak-y
    Toole