Bõe la Biiblã yeta?

Laafɩ la bãan na n wa zĩnda tẽngã zug bɩ?

Y na n leokame tɩ . . .

• n-ye

• ayo

• m pa mi ye

Biiblã sẽn yete

A Zeezi Kirist na n dɩɩ naam, n kɩt tɩ tẽngã zug yɩ “vɩ-bãan woo vɩ-bãane,” wakat sẽn kõn sa. —Yɩɩn-sõamyã 72:7.

Rẽ wɛɛngẽ, bõe me la d tõe n bãng Biiblã pʋgẽ?

• B na n sãama nin-wẽnsã fãa, tɩ nin-tɩrsã soog tẽngã, n paam “vɩ-bãane, ne sũ-noog meng-menga.”—Yɩɩn-sõamyã 37:10, 11.

• Wẽnnaam na n kɩtame tɩ zab buudã fãa sa.—Yɩɩn-sõamyã 46: 10.

D tõe n paama sũur pʋgẽ bãan rũndã-rũndã bɩ?

Neb kẽer yetame tɩ . . . dũniyã sẽn pid ne namsg la wẽgbã, ned baa a ye pa tõe n paam sũur pʋgẽ bãan ye. La yãmb yẽ?

Biiblã sẽn yete

Baa masã menga, neb nins sẽn tar zood sõma ne Wẽnnaamã tõe n paama “Wẽnnaam laafɩ wã sẽn yɩɩd ninsaalbã bãngr fãa wã.”—Filip-rãmbã 4:6, 7.

Rẽ wɛɛngẽ, bõe me la d tõe n bãng Biiblã pʋgẽ?

• Wẽnnaam pʋlmame t’a na n kɩtame tɩ namsgã la wẽgbã fãa sa. A na n ‘maana bũmba fãa paalse.’—Vẽnegre 21:4, 5.

• D sã n bao n bãng Wẽnnaam sõma la d sakd-a, d tõe n paama sũur pʋgẽ bãane.—Luk 11:28.