D zãms la prophétie de Daniel sebrã
1 Tʋʋl-nif kiuug rasem 17 wã tɛka, d na n zãmsa Prêtons attention à la prophétie de Daniel! sebrã Tigingã sebr zãmsgẽ. Neb wʋsg zoe n karma seb-kãngã sẽn nekd ratem wʋsgã, la masã d tara zu-noog n na n dɩ seb-kãnga nafa, ne d sẽn na n lagem taab n sõs a tagsa wã zutã. B raoonda koe-moondba, sẽn wilgd-b ratmã, la kambã fãa tɩ b wa. Sɩda, b raoonda nin-kãensã tɩ semen ne a to fãa bɩ b zĩnd zãmsgẽ wã n maan Daniɛll sebrã sẽn be Biiblã pʋgẽ zãmsg võor sẽn tagma.—Tõo. 31:12, 13.
2 Zãmsgã geelg-n-tʋm la noyã: B ninga la prophétie de Daniel sebrã tõr zãmsg geelg-n-tʋm D Rĩungã Ministɛɛr kãngã pʋgẽ. Modg-y n bĩng geel-n-tʋm sebr a ye ne y zãmsgã sebre. Geelg-n-tʋmã wilgda sebrã sak la a sulã, n paas Daniɛll sebrã verse nins b sẽn na n maan semen fãa zãmsg pʋgẽ wã. Tẽngr not rãmbã wilgda wakat la ne manesem ning b sẽn na n zãms sebrã babs kẽere. B raoonda taoor lʋɩtã tɩ semen fãa zãmsg baasgẽ bɩ a lebg n ges Daniɛll verse nins takɩ b sẽn sõdg geelg-n-tʋmã pʋgẽ semen kãng yĩngã ne sullã neba. Sẽk sã n beẽ, b tõe n karma verse rãmbã la b gom b zutu. Verse rãmb kẽer n be tɩ b rɩk-n-tʋmã sẽn kẽngd taoorã yĩngã, bɩ b vaeesgã na n zʋʋg semen a yembre.
3 Segl-y y meng zãmsg sẽn tagem yĩnga: B maana modgr n kõ sẽk tɩ sek semen fãa sẽn na yɩl tɩ b ra maan babgã b sẽn yãkã zãmsg yãg-yãg ye. Zãmsg a naas yaa koeese. Dẽ, sigr kiuug rasem a 5 wã semen zãmsg baasgẽ, taoor lʋɩtã tõe n maana Daniɛll 2:1-40 lebg-n-gese. Sigr kiuug rasem 26 semena a tõe n lebg n gesa Daniɛll 3:1-30. Bõn-bɩʋʋng kiuugã rasem a 4 semena b segd n maana sõasg võor sẽn tagem fot rãmbã la verse nins sẽn be seb-vã-neng 139 wã pʋgẽ. B segd n sõsa tablo nins sẽn be seb-vã-nens 188 la 189 wã zut bõn-bɩʋʋng kiuug rasem a 2 zãmsgã pʋgẽ.
4 Segl-y sõma zãmsgã yĩng semen fãa la y kẽes y meng a pʋgẽ ne sũ-noogo. Tall-y naneb ne zu-noog ning y sẽn tar n lagemd ne a Zeova tẽng zug siglgã, la y sẽn paamd nafa ne yam la võor wʋmb ning a kɩs-sɩd dãmb nins sẽn zaeyã sẽn kõtã. (Dan. 12:3, 4) Raool-y neb a taabã ne nonglem tɩ b kẽnd sebrã zãmsgẽ n ka vaandẽ ye. Bɩ d fãa kelg Wẽnnaam bãngr-goamã b sẽn vẽneg a Daniɛll sebrã sẽn wat ne yɛɛsgã pʋgẽ wã.—Heb. 10:23-25; 2 Pɩɛ. 1:19.