Yãmb dɩlgda y meng sõma tẽebã wɛɛngẽ bɩ?
1 B yeelame tɩ ‘ned sẽn dɩlgd a meng sõma tara laafɩ.’ Sɩd me tõnd sã n dɩlgd d meng sõma, kõta tõnd keelem la yĩns laafɩ. A Zezi yeelame tɩ “ninsaal ka na n vɩ ne rɩɩb bal ye, la yaa ne goam nins sẽn yit Wẽnnaam noorẽ wã.” Dẽ, tõnd sẽn dɩt to-to tẽebã wɛɛngẽ wã tõe n manega tõnd bɩ sãam-do. (Mat. 4:4) Woto yĩnga, yãmb dɩlgda y meng sõma tẽebã wɛɛngẽ bɩ? Yãmb yaa rɩ-tũus toog soab bɩ, bɩ yãmb dɩta yãg-yãge? Bɩ yãmb dɩkda sẽk n dɩlgd y meng sõma tẽebã wɛɛngẽ wakat fãa, la ne manesem sẽn kɩls tɩ zemse?
2 Vaees-y yãmb sẽn dɩt to-to wã n gese: A Zeova tũnugda ne ‘tʋm-tʋmd sẽn tũud sɩd la sẽn tar yamã’ n maand ‘kibs ne nemd sẽn tar kaam’ d yĩng “wakat sẽn zems” (NW ) pʋgẽ. (Mat. 24:45; Ezai 25:6) D tog n modgame n dɩ tẽebã rɩɩb sõma n tõog n dɩ bõn-kãensã b sẽn kõt-d ne nonglmã yõodo.
3 Y tõe n sʋkda y menga: ‘Mam karemda daar verse wã ne a gom-wɛgsdmã daar fãa bɩ? Mam karemda Biiblã la m bʋgsd a zug daar fãa bɩ? Mam segenda tigingã tigissi, n dengd n zãmsd bũmb nins d sẽn na n yã be wã bɩ? Mam karma yaoolem sɛbã zãnga, tɩ La prophétie d’Isaïe, lumière pour toutes les nations wã be sʋk bɩ?
4 A Zezi kãaba woto: “Sũ-noog rãmb la neb nins sẽn mi tɩ b tara tẽeb ratmã . . . Sũ-noog rãmb la neb nins tɩrlmã kom la ko-yũud sẽn tarã, b sẽn na n tɩgã yĩnga.” (Mat. 5:3, 6, NW ) Woto bɩ y rɩlg y meng sõma tẽebã wɛɛngẽ, n pids y yamã la y sũurã ne Wẽnnaam bãngrã.