Yãmb sogsgã leoore

◼ D sã n wa kõt kaset ne telefõne, rẽ yĩnga d segd n wilga a soabã t’a tõe n kõo ligd n teel dũni gill tʋʋmdã bɩ?

Yãmb mengã sã n wa be ne a soabã n kõt-a kasetã, y tõeeme n wilg tɩ yaa yamleoog kũunã neba sẽn kõtã n sõngd ne Biiblã zãmsg tʋʋmd a Zeova Kaset rãmbã sẽn maand dũniyã gill zugã depãens rãmb fãa, la tɩ d sakda kũun a woto ne sũ-noogo. La d sã n wa kõt kaset ne telefõne, d ka segd n gom yamleoog kũunã yell ye, bala a soabã tõeeme n ka wʋm tõnd goama võore, n wa tagsd tɩ tõnd tũnugda ne telefõn n bõosd neb ligdi. A Zeova Kaset rãmbã koe-mooneg ka leebg baa bilf ye.—2 Kor. 2:17.

◼ Tõnd sã n kõt kaset ne telefõn t’a soabã kos t’a Zeova Kaset rãmbã ra leb n bool-a yɛsa, bõe la d segd n maane?

D segd n tũu a soabã raabo. B segd n gʋlsa sebre, t’a soabã yʋʋr la wakat ning a soabã sẽn kos rẽ wã be sebrã zugu, n ning moonegã zĩis sɛb pʋsẽ, sẽn na yɩl tɩ koe-moondbã ra leb n bool nimero kãng nindaar ye. Vugr yʋʋmd fãa, b segd n lebg n gesa neb nins fãa sẽn kos tɩ b ra bool-bã sẽn yaa b rãmba. Ne tʋʋmdã yel-gɛt sor-wilgri, b tõe n yãka koe-moondb sẽn tar minim la sẽn gomd ne gũusg tɩ b bool nin-kãensã n bãng b sã n ket n pa rat t’a Zeova Kaset rãmbã bool-ba.