Bũmb ning d sẽn na n yeel n wilg zʋrno rãmbã

Gũusg Gasgã Sigri, 15

“Neb kẽer tagsdame tɩ ãdem-biis sẽn be tẽng zug tɛka, a Zezi n yɩ nin-kãseng sẽn ka tall to. Neb a taab pʋd n kɩɩsame t’a Zezi ka wa tẽng zug ye. Yãmb tagsdame tɩ tõnd sẽn tẽed bũmb ning a Zezi zugã tara yõod bɩ? [A soabã sã n leok n sa, bɩ y karem Tʋʋma 4:12.] Kaset bʋg la d tara, sẽn sɩd wilgd t’a Zezi zĩnda tẽng zugu? Zʋrnall kãngã leokda sok-kãngã.”

Réveillez-vous ! 22 juin

“Tẽngã tɩɩs sãoong yell paka neb wʋsgo. Rẽ yĩnga, yãmb tagsdame tɩ b tõe n kogla dũniyã kãg-bɛd bɩ? [Bas-y t’a leoke.] Zʋrnall kãngã wilgda bũmb ning b sẽn maand n na n kogl kãg-bɛdã. A leb n wilgda Wẽnnaam kãab-kãngã sẽn be rasãndã sẽn na n paam pidsg to-to.” Karm-y Ezai 11:9.

Gũusg Gasgã Sẽoogo, 1

“Bõn-kãseng a yembr ninsaalbã sẽn dat wʋsg yaa tõog n nongẽ la b paam tɩ b nong-ba. [Karm-y fotã goam sẽn be seb-neng a 4 zugã.] La Rẽ yĩnga, yãmb ka yã tɩ rũndã-rũndã nebã nong n lʋɩɩsda yɛl a taab taoor sɩda? [Bas-y t’a leoke.] Zʋrnall kãnga wilgda nonglem hakɩkã sẽn ya a soaba, la d sẽn na n maan to-to n tall-a.” Karm-y 1 Korẽnt dãmba 13:2.

Réveillez-vous ! 8 juillet

“Nen-kɛglmã sẽn paasdã, yaa bũmb sẽn sãamd neb wʋsg sũyã. [Gom-y bũmb sẽn maan tẽngã pʋgẽ yelle, la y bas t’a soabã leoke.] Zʋrnall kãngã wilgda yɛl kẽer sẽn wat ne bi-be-tʋʋmã. A leb n wilgda Wẽnnaam sẽn na n yiis bi-be-tʋʋma la nen-kɛglmã wakat fãa yĩng to-to.” Karm-y Yɩɩl Sõamyã 37:10, 11.