Segl-paals sẽn na yɩl n sõng-d tɩ d lak d mens ne zɩɩmã
Siglgã Taoor Lʋɩtb Sull sakame tɩ b naag d kart dãmb a yiibã taab tɩ lebg seb-yende. Yaa Procuration relative aux soins médicaux (PSM) ne kart Instructions médicales prévision-nelles/Décharge, b sẽn yiis tɩ zems ne laloa wã. D na n boola seb-kãng tɩ depeya (DPA)
Y segd n pidsa kart depeya ning sẽn zemsd ne yãmb tẽngã. Depeya wã pa tar wakat n kiidẽ ye. Yãmb tẽngẽ wã la tẽns a taab pʋsẽ, b na n sak n deegame tɩ goam nins sẽn gʋls a zugã yaa yãmb raabo. Masã d sã n wa rat n maan kart depeya paalle segd n mikame tɩ, 1) yaa yɛl kẽer la d rat n toeeme. Wala makre, d sã n tʋll n toeema d raab d sẽn da wilgi, ned ning sẽn segd n gom d zĩigẽ wã, adɛrs rãmba, telefõn nimero bɩ yɛl a taaba, wall 2) d kartã n menem bɩ a sãamame.
D tog n pidsa kart depeya wã yiri. D segd n pʋʋsame la d karm-a n yaool n pids-a sõma. La nand tɩ d sĩyn-a, d segd n tũu noy nins b sẽn kõ wã neere. Wala makre, sã n mik tɩ b yeelame tɩ d segdame n sĩyn sebrã neb a yiib taoore, d segd n maana boto. Wakat-wakate, sebrã zãmsg yel-gɛtb tõe n sokame n ges neb sã n beeme n nan pa pids kartã n dat tɩ b sõng-ba.
Nand tɩ y põd y kart depeya wã, bɩ y maan a fotokopi rãmb sẽn yaa sõma n yãk n kõ neb nins y sẽn kɩs-sɩd tɩ b na n teela y tagsgã zɩɩmã yell zugã la y logtorã, la y naag a ye ne y sɛb nins sẽn tar yõod wʋsgã n bĩngi. Y leb n tõe n yãka fotokopi kãens n kɩs y zakã neb kẽer wall y tigingã sekertɛɛre. Maan-y-yã a nens a yiibã fotokopi seb-yɛng zug n pa paas a yalmã ye. Yaa y kart depeya wã meng la y segd n zãad wakat fãa. Pa a fotokopi ye.
Kart ning b sẽn yiis Kaset rãmbã kamb nins sẽn nan pa reeg lisgã yĩngã pa toeem ye. Yaa a soab ning b sẽn yiis yʋʋm 1999 tʋʋlg kiuugã (3/99). Roagdbã segd n gesame tɩ b kom-bõonegã fãa kart dãmb pids sõma n tar sĩyãtiiri, la b kɩt tɩ b zãad-a wakat fãa.
Koe-moondb nins sẽn pa reeg lisgã tõe n gesa kart depeya wã la kambã kart n gʋls noy bãmb ne b kambã sẽn tʋll n tũ b tɩbsg wɛɛngẽ. Yʋʋmdã pʋgẽ, koe-moond fãa sã n wa reeg lisgu, sekertɛɛrã segd n kõ-a-la kart depeya.