Sõng-y y kambã tɩ b bãng koɛɛgã mooneg n paase
1 Roagdb nins sẽn yaa kiris-nebã tara zɩɩb sẽn yaa kãsenga, sẽn yaa zãms b kambã koɛɛgã mooneg tɩ b nan ket n paoodẽ wã. B tõe n maana rẽ ne manesem buud toor-toore. Nand tɩ kamb kẽer bãng kareng menga, b tõe n togsa Biiblã verse goam ne zugu. Rẽ tõe n kɩtame tɩ kɛlgdbã tʋlg n kelg sõma. Kambã sã n bɩtẽ, b tõe n maaname tɩ yɩɩg woto koe-moonegã pʋgẽ. Roagdba, wãn-wãn la y tõe n sõng y kambã tɩ b naag n kõ kasetã? Tõe tɩ sagls nins sẽn pʋgdã na n sõng-y lame n paase.
2 Y sã n pʋʋs nedã n sa, y tõe n yeelame:
◼ “Mam biig a [togs-y-yã a yʋʋrã], tʋll n wilg-y-la verse sẽn tar yõod wʋsgo.” Y biigã tõe n yeelame: “Verse kãngã sẽn be Biiblã pʋgẽ wã kɩtame tɩ mam bãng Wẽnnaam yʋʋrã. [Biigã karem Yɩɩl Sõamyã 83:18 (NW ) wall a togs a goamã ne zugu.] Seb-kãensã wilgda Wẽnnaam a Zeova sẽn na n maan bũmb nins n kõ tõndo. M tõe n bas-b-la ne-y bɩ?” Yãmb meng tõe n baasa sõsgã n wilg b sẽn teend tõnd tʋʋmdã b sẽn tʋʋmd dũniyã gill zugã to-to.
3 Y leb n tõe n maka woto n gese:
◼ “Ne-y woto wẽnde. Mam zãmsda m bi-pugl a [wilg-y-yã a yʋʋrã] a sẽn tõe n sõng nebã to-to. A nongẽ lame n taas-y koɛɛg sẽn yit Biiblã pʋgẽ bilfu.” Bipuglã tõe n yeelame: “Manesem a ye mam sẽn dat n tũnug n sõng nebã yaa wilg-b Biiblã sẽn kõt saagr ning beoog daar yĩngã. [Biigã karem Wilgr 21:4 goamã wall a togs-b ne zugu.] Seb-kãensã wilgda bũmb ning Wẽnnaam Rĩungã sẽn na n maan n kõ tõndo. M tagsdame tɩ y sã n karem-ba, y sũur na n yɩɩ noogo.”
4 Kambã sã n tar sɩngr-goam sẽn yaa nana wakat fãa n tũudẽ, kɩtdame tɩ b wa tall bas-m-yam tɩ b tõe n moona Rĩungã koɛɛga. Y sã n wilgd-b b sẽn segd n zẽk b koɛɛgã to-to tɩ zems n kɩt tɩ b goamã yɩ vẽenega, na n sõng-b lame tɩ b bãng b sẽn segd n gom to-to wakat fãa. Y sã n dengd n segend kambã sõma la y pẽgd-b b modgrã yĩngã, na n kɩtame tɩ b tõog n gom b tẽebã yell ne nebã.
5 Ne sõngr a woto, kamb wʋsg tõog n lebga koe-moondb sẽn pa reeg lisgu. D sã n ne d kambã sẽn bãngd koɛɛgã mooneg n paasdẽ, sɩd kõta sũ-noog wʋsgo.—Yɩɩl 148:12, 13.