Bũmb ning d sẽn na n yeel n wilg zʋrno rãmbã

Gũusg Gasgã Sẽoogo, 1

“Rũndã-rũndã vɩɩmã sẽn pid ne zu-loeesã kɩtame tɩ neb wʋsg sokd b mens sogs-kãensã: ‘Bõe yĩng tɩ vɩɩmã pid ne zu-loees woto? Wẽnnaam sã n sɩd beeme, bõe yĩng t’a pa kɩtd tɩ namsgã sa?’ Yãmb zɩ n sok y meng woto sɩda? [Bas-y t’a leoke.] Zʋrnall kãngã wilgda Biiblã sẽn leokd sogs-kãensã to-to.” Karm-y 2 Tɩmote 3:16.

Gũusg Gasgã Sẽoogo, 15

“Rẽ yĩnga yãmb tagsdame tɩ d na n wa paama goosneema sẽn na n tõog n welg ãdem-biisã zu-loees fãa bɩ? [Bas-y t’a leoke.] Matɩe 6:9, 10 pʋgẽ wã, a Zezi zãmsa a karen-biisã tɩ b pʋʋs tɩ goosneem kãng wa. [Karm-y-yã.] Zʋrnall kãngã wilgda bũmb ning sẽn kɩt tɩ Wẽnnaam Rĩungã sõmblem yɩɩd ãdem-bɩɩsã goosneema rãmbã, la a wilgd a sẽn na n wa ne bark nins n kõ ãdem-biisã.”

Réveillez-vous ! Juillet

Y sã n seg bi-bɩɩga, y tõe n yeela woto: “Kom-bɩɩs wʋsg sẽn tar fo yʋʋmã tagsda kãadmã yelle. Fo tẽedame tɩ yɛ la d tõe n paam sagls sẽn yaa sõma kãadmã wɛɛngẽ? [Bas-y t’a leoke.] Kelg-y b sẽn wilgd kãadmã lugundã sẽn yaa a soab ka. [Karm-y Matɩe 19:6.] Zʋrnall kãngã wɛgsda Biiblã noy kẽer sẽn tõe n sõng-d tɩ d lugl kãadem sẽn tar sũ-noogo.”

Gũusg Gasgã Sa-sika, 1

“Rũndã-rũndã, zĩig fãa la bala, d wae n yãta b sẽn halkd ãdem-biis kẽer burkĩndi. Yãmb tagsdame tɩ wʋsg sã n da tũudẽ-la a Zezi gom-kãensã, ra pa yɩtẽ woto bɩ? [Karm-y Matɩe 7:12. Bas-y t’a leoke.] Zʋrnall kãngã tika Biiblã n wilgd sẽn na n yɩ to-to tɩ ãdem-biig fãa wa paam tɩ b waoogd-a wa sẽn segdã.”

Réveillez-vous ! Août

“Laafɩ wã yell paka d fãa. Rẽ yĩnga yãmb miime tɩ rũndã-rũndã, logtoɛɛmb wʋsg pa ye rat n ning bãad rãmbã zɩɩm sɩda? [Bas-y t’a leoke.] Zʋrnall kãngã wilgda sẽn lebg woto wã võore. A leb n tika Biiblã n wilgd bũmb ning sẽn kɩt tɩ zɩɩmã yaa bõn-sõng Wẽnnaam nifẽ wã.” Karm-y Maankʋʋre 17:11.