Bũmb ning d sẽn na n yeel n wilg zʋrno rãmbã

Gũusg Gasgã Sẽoogo, 1

“Yãmb zoe n soka y meng n gese bõe n kɩt tɩ nebã namsd b taabã, b sẽn yaa buud toɛy-toɛy yĩngã? [Bas-y t’a leoke.] Ges-y bũmb ning sẽn kɩt tɩ yaa woto wã. [Karm-y 1 Zã 4: 20.] Seb-kãngã leokda sok-kãngã: Rẽ yĩnga bu-welsgã tõe n saame bɩ?”

Gũusg Gasgã Sẽoogo, 15

“Ned d sẽn nong sã n maan kaalem, sãamda d sũur wʋsgo. Yãmb tagsdame tɩ bũmb n be n yit ninsaal yĩngẽ n ket n vɩ a kũum poor bɩ? [Bas-y t’a leoke.] A Zezi togsa gomd sẽn kengd raood tɩ be verse kãngã pʋgẽ. [Karm-y Zã 5:28.] A Zezi yeelame tɩ “wakat watame” tɩ sẽn ki-bã na n vʋʋge. La seb-kãngã tika Biiblã zug n wilgd sẽn ki-bã sẽn be zĩig ning masã.”

Réveillez-vous ! Juillet

“Neb wʋsg modgdame n dat n yɩ nin-sõms b vɩɩmã pʋgẽ, n tagsdẽ tɩ tara yõodo. Yãmb tagsdame tɩ woto zemsame bɩ? [Bas-y t’a leoke.] Ges-y yɛl nins sẽn tõe n wa paam neda, a sã n tagsdẽ tɩ bũmb bɩ manesem yaa sõma tɩ yaool n pa sõma Wẽnnaam nifẽ. [Karm-y Yelbũna 14:12.] Seb-kãngã wilgda yɩ nin-sõng Wẽnnaam nifẽ sẽn dat n yɛɛlga.” Wilg-y sõsg ning sẽn sɩng seb-neng 20 pʋgẽ wã.

Gũusg Gasgã Sa-sika, 1

“M da nong n bãnga yãmb tagsg a Poll gom-kãngã zugu. [Karm-y Filip rãmba 4:7.] Yãmb tagsdame tɩ ned sã n yaa Wẽnnaam neda a tõe n paama su-noog bɩ? [Bas-y t’a leoke.] Seb-kãngã tika Biiblã zug n wilgd Wẽnnaam ned sẽn sɩd yaa a soaba, la d sẽn tõe n yɩ Wẽnnaam ned to-to.”

Réveillez-vous ! Août

“Yãmb tagsdame tɩ yɛ la roagdbã tõe n paam sagls sẽn na n sɩd sõng-ba? [Bas-y t’a leoke.] Ges-y Biiblã sẽn yet bũmb ninga. [Karm-y 2 Tɩmote 3:16.] Seb-kãngã wilgda Biiblã sẽn tõe n sõng roagdbã sõma b kambã wubr wɛɛngẽ to-to.”