Bũmb ning d sẽn na n yeel n wilg zʋrno rãmbã

Gũusg Gasgã Zĩ-likri, 1

“Yãmb zoee n maana bũmb n yaool n wa maand y bãngẽ bɩ? [Bas-y t’a leoke.] Kelg-y bũmb ning sẽn kɩt tɩ d mi n yãk yam n maan bũmb n le wa maand d bãngẽ wã. [Karm-y Zeremi 10:23.] Seb-kãngã wilgda saglsã sẽn be Biiblã pʋgẽ wã sẽn tõe n sõng tõnd to-to tɩ d rɩkd sard sẽn yaa sõma.”

Gũusg Gasgã Zĩ-likri, 15

“Neb wʋsg yetame tɩ d sẽn pa mi beoog daar sẽn na n yɩ to-to wã yĩnga, d segd n nooga d yõor d sẽn tõe tɛk fãa. Yãmb tagsg yaa bõe? [Bas-y t’a leoke.] Kelg-y-yã a Zezi sẽn yeel bũmb ninga. [Karm-y Matɩe 6:34.] Seb-kãngã wilgda d sẽn tõe n segl d mens to-to beoog daar yĩnga. A leb n sõngda tõnd tɩ d ra maand yɩɩr wʋsg ne beoog daarã ye.”

Réveillez-vous ! Zĩ-likri

“Tõnd fãa nin-nongr n zoe n maan kaalem. La yãmb tagsdame tɩ nin-kãensã bee saasẽ n get tõnd bɩ? [Bas-y t’a leoke.] Kelg-y-yã a Zezi sẽn yeel bũmb ning a Lazaar sẽn wa n ki wã. [Karm-y Zã 11:11.] Sõs-kãngã kɩtdame tɩ d bãng sẽn ki-bã sã n vɩya zĩig a to bɩ b sã n gũuda b vʋʋgr daare.” Wilg-y sõsg ning sẽn be seb-neng 28 wã.

Gũusg Gasgã Sɩpaolgo, 1

“Nebã fãa sã n da yaa sik-m-mens rãmba rẽ yĩnga bãan da pa na n zĩnd dũniyã zug sɩda? [Bas-y t’a leoke.] Kelg-y-yã a Zezi sẽn yeel bũmb ning sik-m-mengã wɛɛngẽ. [Karm-y Matɩe 23:12.] Sõs-kãngã wilgda sik-m-mengã tallg yõodo, baa ne dũni kãngã neb sẽn wagsd taabã.”

Réveillez-vous ! Sɩpaolgo

“Pĩnd wẽndẽ wã, nebã ra nong n baooda sagls Biiblã pʋgẽ. La masã, neb wʋsg yetame tɩ b tara sãmb-sãmb ne Biiblã sẽn yet bũmb ninsã. Yãmb tagsg yaa bõe? [Bas-y t’a leoke. Rẽ poor bɩ y karm 2 Tɩmote 3:16.] Réveillez-vous ! kãngã sẽn pa wõnd a taabã kõta kaset sẽn wilgd vẽeneg tɩ Biiblã yaa Wẽnnaam n vẽneg tɩ b gʋlse.”