Bũmb ning d sẽn na n yeel n wilg zʋrno rãmbã

Gũusg Gasgã Zĩ-likri, 15

“Yãmb na n maana wãn n wilg kambã bɩ neb a taaba bũmb ning sẽn kɩt tɩ yel-wẽns wʋsg maand rũndã-rũndã wã? [Bas-y t’a leoke.] Biiblã leokda sʋkr ning sẽn yaa, ‘Ãnda n kɩt tɩ wẽng buud fãa beẽ wã?’ [Karm-y 1 Zã 5:19.] Gũusg Gasgã zʋrnall kãngã na n sõnga yãmb tɩ y bãng wẽng soab kãng sẽn ya a soaba, la d sẽn tõe n maan to-to n kɩɩs-a.”

Réveillez-vous ! 22 oct.

“Yãmb tagsdame tɩ tũudmã taoor dãmb bɩ neb a taab pʋʋsg tõe n kɩtame tɩ laafɩ wa dũniyã zug bɩ? [Bas-y t’a leoke.] Biiblã kãabdame tɩ wakat n wat tɩ laafɩ na n zĩnd dũniyã gill zugu. [Karm-y Ezai 9:5, 6.] Yãmb gũusame n ges tɩ yaa naab sẽn ka wõnd a taab n na n wa ne laafɩ dũniyã gill zug bɩ? Réveillez-vous ! zʋrnall kãngã wilgda na-kãng sẽn ya a soaba, la a sẽn na n wa ne laafɩ hakɩkã to-to.”

Gũusg Gasgã Sɩpaolgo, 1

“Neb wʋsg maoodame n dat n zĩnd ne neb a taabã laafɩ pʋgẽ. La yãmb mii vẽeneg tɩ naoor wʋsgo woto yaa toogo, bɩ bõe? [Bas-y t’a leoke.] Biiblã wilgda bũmb ning sẽn kɩt tɩ yaa woto wã. [Karm-y Zak 3:2.] Sõs-kãngã wilgda sugr kosg sẽn tõe tɩ bãan lebg n wa, bɩ n kɩt t’a ket n beẽ to-to.”

Réveillez-vous ! 8 nov.

“Biiblã bãngr-goam wilgdame tɩ wakat n na n wa tɩ ned ba a ye ka na n yeel ‘t’a ka laafɩ’ ye. [Karm-y Ezai 33:24.] Rẽ yĩnga, woto ka na n zĩnd yamleoog sɩda? [Bas-y t’a leoke.] La rũndã-rũndã bãas wʋsg n namsd ãdem-biisã, tɩ SƖDA wã be sʋka. Réveillez-vous ! wã zʋrnall kãngã leokda sʋkr ning sẽn yaa, SƖDA wã na n tol n saa daar ning bɩ?”