Bũmb ning d sẽn na n yeel n wilg zʋrno rãmbã
Gũusg Gasgã sɩpaolgo, 1
“Nebã fãa sã n da yaa sik-m-mens rãmba rẽ yĩnga bãan da pa na n zĩnd dũniyã zug sɩda? [Bas-y t’a leoke.] Kelg-y-yã a Zezi sẽn yeel bũmb ning sik-m-mengã wɛɛngẽ. [Karm-y Matɩe 23:12.] Sõs-kãngã wilgda sik-m-mengã tallg yõodo, baa ne dũni kãngã neb sẽn wagsd taabã.”
Gũusg Gasgã sɩpaolgo, 15
“Tõnd fãa ratame tɩ d vɩɩmã tall võore, la d tar sũ-noogo. A Zezi wilga bũmb ning sẽn kõt sũ-noogo. [Karm-y Matɩe 5:3.] Yãmb tagsdame t’a Zezi sẽn yeelã yaa sɩd bɩ? [Bas-y t’a leoke.] Seb-kãngã wilgdame tɩ ninsaal fãa sẽn dog ne Wẽnnaam tũub tʋlsmã yĩnga, d sã n sɩd tũ Wẽnnaam, d vɩɩmã tallda võore.”
Réveillez-vous ! sɩpaolgo
Siãnsa la nebã tẽeb sẽn boogdã kɩtame tɩ wʋsg tagsd tɩ Biiblã pa le tar yõod ye. Yãmb tagsg yaa bõe? [Bas-y t’a leoke.] Yãmb miime tɩ bũmb nins Biiblã sẽn yet siãnsa wɛɛngẽ wã fãa yaa kɛpɩ sɩda? [Karm-y Zoob 26:7.] Réveillez-vous ! kãngã sẽn pa wõnd a taabã kõta kaset vẽeneg sẽn wilgd bũmb ning sẽn kɩt tɩ d tõe n tall bas-yard ne Biiblã.”
Gũusg Gasgã yʋʋm-sare, 1
“Yãmb na n leoka sok-kãngã tɩ bõe? [Karm-y sokrã sẽn be sebrã zugã, la y bas t’a leoke.] Wẽnnaam datame tɩ ãdem-biisã fãa zems taaba. [Karm-y Yɩɩl sõamyã 46:9, 10.] Seb-kãngã tika Biiblã zug n wilgd ãdem-biisã sẽn na n wa zems taab to-to.”
Réveillez-vous ! yʋʋm-sare
“Neb kẽer tagsdame tɩ ned sã n ki a tɩ vɩya zĩig a to, tɩ kẽer me tagsdẽ tɩ f sã n ki saame. La sã n yaa ne yãmba, d segd n zoee kũum bɩ? [Bas-y t’a leoke.] Kelg-y saagr ning a Zoob sẽn da tarã. [Karm-y Zoob 14:14, 15.] Seb-kãngã tika Biiblã zug n wilgd bũmb ning sẽn be kũum poore.