Bũmb ning d sẽn na n yeel n wilg zʋrno rãmbã

Gũusg Gasgã Sɩpaolgo, 1

“Nebã tagsg kambã wubr wɛɛngẽ yaa toor-toor la kɩɩsd taaba. Yãmb tẽedame tɩ roagdbã tõe n paama sagls sẽn tõe n sõng-b bɩ? [Bas-y t’a leoke. Rẽ poor bɩ y karem Yɩɩl Sõamyã 32:8.] Zʋrnall kãngã wilgda sagls sẽn yit Biiblã pʋgẽ sẽn tõe n sõng-y tɩ y wub y kambã.”

Gũusg Gasgã Sɩpaolgo, 15

“Zãmbã sẽn piuug zĩig zãngã, kɩtame tɩ neb wʋsg sokd b mens sã n tara yõod tɩ b mao n kell n yɩ tɩrse. Yãmb me sokda y meng woto bɩ? [Bas-y t’a leoke.] Kelg-y goam sẽn kengd raoodo. [Karm-y Yelbũna 2:21, 22.] Seb-kãngã wilgda bũmb ning sẽn kɩt tɩ d segd n kell n yɩ tɩrsã.”

Réveillez-vous ! Sɩpaolgo

“Neb kẽer tagsdame tɩ yell sẽn wa fãa yaa Wẽnnaam n maane. Baa sabab-wẽng sã n maane, b yetame tɩ yaa Wẽnd yelle. Yãmb tagsg yaa bõe? [Bas-yã t’a leoke. Rẽ poor bɩ y karem Zak 1:13.] Seb-kãngã pʋgẽ, b tika Biiblã n wilgd bũmb ning sẽn kɩt tɩ nebã namsdẽ wã võore, la Wẽnnaam sẽn maand to-to n na n kɩt tɩ namsgã sa.”

Gũusg Gasgã yʋʋm-sare, 1

“Yãmb tagsdame tɩ bãngr gomd ning sẽn be verse kãngã pʋgẽ wã pidsda rũndã-rũndã bɩ? [Karm-y Matɩe 24:11. Rẽ poor bɩ y bas t’a leoke.] Seb-kãngã gomda zãmsg toɛy-toɛy b sẽn mi zĩig zãng yelle. A leb n wilgd-d-la d sẽn tõe n kogl d mens to-to tɩ b ra belg-d ne zãmsg sẽn yaa ziri ye.”

Réveillez-vous ! Yʋʋm-sare

“Sã n yaa ne yãmba, hal pĩnd wẽndẽ n tãag rũndã-rũndã nin-kãseng sẽn ka to yaa ãnda? [Bas-y t’a leoke.] Neb wʋsg tagsdame tɩ yaa a Zezi. A sẽn yaa Wẽnnaam Rĩungã Rĩmã, ges-y-yã a sẽn na n maan bũmb ning tẽngã zugu. [Wilg-y yimaasã sẽn be sebrã neng a 8-9 wã la y karem verse a yembr sẽn gomd rẽ yelle.] Seb-kãngã wilgda a Zezi sẽn na n maan dẽ to-to la b sẽn na n pids wakat ninga.”