Bũmb ning d sẽn na n yeel n wilg zʋrno rãmbã

Réveillez-vous ! 22 oct.

“Neb wʋsg neeme tɩ tara yõod tɩ b sɩng kambã wubr pĩnd-pĩnda. Yãmb tagsdame tɩ rũndã-rũndã d segd n maana woto bɩ? [Bas-y t’a leoke. Rẽ poor bɩ y karem Yelbũn 22:6.] Réveillez-vous ! kãngã wilgda yɛl takɩ roagdbã sẽn tõe n maan n sõng b kambã tɩ b bɩ n lebg neb sẽn yaa tɩrs la sẽn tar barka.”

Gũusg Gãsgã Sɩpa. 1

“Neb wʋsg ka tar bas-m-yam tɩ ninsaalbã nanambs tõe n yãa rũndã-rũndã zu-loeesã tɩɩm ye. Yãmb tagsdame tɩ ned n be n tõe n pids bũmb ning b sẽn deng n togs verse kãensã pʋsẽ wã bɩ? [Karm-y Yɩɩl Sõamyã 72:7, 12, 16. Rẽ poor bɩ y bas t’a soabã leoke.] Zʋrnall kãngã wilgda na-kãng sẽn yaa a soaba, la a sẽn na n maan bũmb ninga.”

Réveillez-vous ! 8 nov.

“Rẽndame tɩ kambã paam sor-wilgr n tõog n mao ne zu-loees nins b sẽn segd rũndã-rũndã wã, ka sɩda? [Bas-y t’a leoke. Rẽ poor bɩ y karem Efɛɛz rãmba 6:4.] Zʋrnall kãngã wilgda kiblgã sẽn sɩd rat n yɛɛlga. A leb n wilgda roagdbã sẽn tõe n wilg b kambã sor la b rems-b to-to n pa sãam b sũy ye.”

Gũusg Gãsgã Sɩpa. 15

“Neb wʋsg sẽn yɩɩd rata laafɩ la yõ-woko. La rẽ yĩnga vɩɩmd wakat sẽn ka sɛt sã n da tõeyã y na n datame bɩ? [Bas-y t’a leoke. Rẽ poor bɩ y karem Zã 17:3.] Zʋrnall kãngã gomda Biiblã sẽn kãabd nebã vɩɩm sẽn ka sɛtã yelle. A leb n wilgda vɩɩmã sẽn na n wa yɩ to-to, kãab-kãng sã n wa paam pidsgu.”